Afmælispistill

Kæri lesandi,

Fyrir nákvæmlega ári síðan sat ég sveittur fyrir framan tölvuskjáinn að pússla saman efni í fyrsta tölublað Nörd Norðursins – en fyrir þá sem ekki vita það þá byrjaði Nörd Norðursins sem veftímarit. Viðtökurnar voru vægast sagt frábærar og létu margir hvatningarorð falla í kjölfarið, sem virkuðu eins og nítró á vel smurða nördavél.

Eftir fimmta tölublaðið ákváðum við að gera efnið okkar aðgengilegra með því að birta það beint á heimasíðunni okkar. Í kjölfarið hefur heimsóknum á síðuna fjölgað jafnt og þétt og eru sífellt fleiri lesendur að bætast í hópinn.

Auglýsing fyrir 1. tbl. Nörd Norðursins

Nörd Norðursins er langt frá því að vera eins manns verk og hafa fyrrverandi og núverandi pennar náð að gera síðuna einstaklega áhugaverða með því að skrifa um fjölbreytt efni þar sem sérþekking hvers og eins fær að njóta sín.

Þar sem margir nýir lesendur hafa bæst í hópinn datt mér í hug að lista nokkrar áhugaverðar staðreyndir um Nörd Norðursins.

Nörd Norðursins birtir reglulega umfjallanir og gagnrýni á tölvuleikjum og kvikmyndum.
Mest lesna leikjarýnin á Nörd Norðursins er Mass Effect 3.
Mest lesna kvikmyndarýnin á Nörd Norðursins er Hetjur Valhallar: Þór.
Nord Norðursins fjallar einnig um spil, bækur, viðburði, birtir leikjanördablogg, greinar og fleira.
Nörd Norðursins er með Bleikt horn.
Nörd Norðursins í samstarfi við Bleksmiðjuna fann nördalegasta flúr Íslands.
Nörd Norðursins komst að því að Sigmar í Kastljósinu átti eitt sinn heimsmet í Gyruss.
Nörd Norðursins heimsótti EVE Fanfest 2011 og EVE Fanfest 2012.
Nörd Norðursins heimsótti Eurogamer Expo 2011.
Nörd Norðursins fjallaði um E3 2011.
Nörd Norðursins náði að plata marga með aprílgabbi.
Nörd Norðursins mótmælir ritskoðun á netinu.
Nörd Norðursins vill styrkja íslenska nördamenningu.
Nörd Norðursins veitir íslensku efni sérstaka athygli.
Nörd Norðursins er skrifað af nördum fyrir nörda.
Nörd Norðursins hefur birt lista yfir 5 bestu vísindaskáldsögur allra tíma.
Nörd Norðursins er á Facebook og Twitter.
Nörd Norðursins er með 683 ljósmyndir á Flickr.
Nörd Norðursins er með 14 myndskeið á YouTube
Nörd Norðursins hefur birt 340 færslur á 365,25 dögum.
Nörd Norðursins fær að meðaltali 2.155 heimsóknir á viku.
Nörd Norðursins er óháð vefsíða.
Nörd Norðursins er ávallt í leit að fleiri snillingum.
Nörd Norðursins veitir enn ókeypis aðgang að öllum fimm veftímaritunum.
Nörd Norðursins þakkar Senu, GameTíví, Bleksmiðjunni, Xbox360.is, Psx.is, eSports.is, Sannleikanum, Gamestöðinni og Tjé kærlega fyrir að styrkja okkur með beinum eða óbeinum hætti. Einnig þökkum við fjölmiðlum fyrir að sýna síðunni athygli.
Nörd Norðursins hyggst ná heimsyfirráðum árið 2021!