Tölvuleikurinn Astro’s Playroom fylgir frítt með PlayStation 5 leikjatölvunni. Í leiknum fer spilarinn með hlutverk hins ofurkrúttlega og viðfelldna vélmennis Astro og leiðbeinir honum áfram í gegnum ævintýraheima PlayStation 5 (PS5) leikjatölvunnar. Fjölbreyttir heimar Í Astro’s Playroom er Astro staddur inni í PS5 leikjatölvunni og flakkar á milli fjölbreyttra ævintýraheima sem tengjast vélbúnaði tölvunnar. Leikurinn byrjar í miðverki tölvunnar, CPU Plaza. Þaðan er hægt að ferðast yfir í aðra tækniheima; Cooling Springs (kælibúnaðurinn) þar sem allt er þakið ís og snjó, græna skóga GPU Jungle (skjákortið), rafmagnaðan heim Memory Meadow (minnið) og geimsvæði SSD Speedway (harði diskurinn og gagnaflutningur). Svæðin…
Author: Bjarki Þór Jónsson
DualSense er heitið á PlayStation 5 fjarstýringunni og fylgir ein slík fjarstýring með kaupunum á PlayStation 5 leikjatölvunni. Í þessari grein verður nýja fjarstýringin sérstaklega skoðuð og fjallað um útlit hennar, virkni og nýjunga. Það skal tekið fram að þessi umfjöllun byggir aðeins á reynslu höfundar á fjarstýringunni eftir að hafa spilað borðið The Cooling Springs í leiknum Astro’s Playroom (sem fylgir frítt með tölvunni) svo ekki er komin reynsla á langtímanotkun. Útlitið Litavalið var djarft hjá Sony en þessi hvíti litur virkar mjög vel og kemur skemmtilega á óvart. Þegar Sony birti fyrstu myndina af DualSense fjarstýringunni kom nokkuð…
Nörd Norðursins hefur fengið staðfest hjá Senu, umboðsaðila PlayStation á Íslandi, að PlayStation 5 leikjatölvunnar koma í verslanir á Íslandi þann 19. nóvember næstkomandi. Aukahlutir og leikir koma viku fyrr, eða þann 12. nóvember. Líkt og hefur komið fram eru öll eintök í fyrstu sendingu af tölvunni uppseld og enn ekki vitað hvenær fleiri eintök séu væntanleg til landsins. Líklega mun það ekki liggja fyrir fyrr en á næsta ári.
Við hjá Nörd Norðursins fengum eintak af PlayStation 5 fyrir útgáfudag til að fjalla um á síðunni okkar. Í gær birtum við myndband þar sem fjallað var um umbúðirnar og innihaldið. Hér fyrir neðan er að finna myndir sem Bjarki Þór tók af tölvunni, fjarstýringunni og aukahlutunum. Myndir: Bjarki Þór Jónsson
Í gær birti Sony nýja útgáfustiklu á YouTube fyrir PlayStation 5 leikjatölvuna sem væntanleg er í verslanir um miðjan næsta mánuð. Í stiklunni heyrum við í bandaríska rapparanum Travis Scott flytja stutta ræðu um að við þráum öll sem manneskjur nýjar upplifanir og nýjunga. Myndbandið endar með einkunnarorðunum Play Has No Limits, eða leikur hefur engin mörk. Sony kynnti í upphafi vikunnar að Travis Scott væri nýr samstarfsaðili PlayStation og að fyrirtækið myndi starfa með honum og Cactus Jack við framleiðslu á nýjum verkefna í framtíðinni.
Ný kynslóð leikjatölva marka ávallt ákveðin tímamót í sögu tölvuleikja og leikjatölva. Með nýrri kynslóð er nýr tölvubúnaður kynntur til sögunnar sem mun geta keyrt tölvuleiki framtíðarinnar, eða a.m.k. nýjustu leikina næstu sex til tíu árin. Forpantanir á tölvunum fóru gríðarlega vel af stað um allan heim og seldust til að mynda öll eintök af PlayStation 5 leikjatölvunni upp í forpöntun hér á landi á aðeins örfáum klukkustundum. Með útgáfu PlayStation 5 leikjatölvunnar frá Sony og Xbox Series X og S frá Microsoft núna í nóvember verður níunda kynslóð leikjatölva í fyrsta sinn aðgengileg almenningi. Forpantanir á tölvunum fóru gríðarlega…
Útgáfudagur næstu kynslóð leikjatölva frá Microsoft, Xbox Series X og Xbox Series S, er 10. nóvember næstkomandi. Engin verslun á Íslandi hefur auglýst leikjatölvurnar og hafði Nörd Norðursins því samband við Gamestöðina og Kids Coolshop sem staðfestu að tölvan væri að öllum líkindum ekki væntanleg til landsins fyrr en árið 2021. Ekki er komin nákvæm dagsetning en vonast er til þess að geta boðið upp á tölvuna sem allra fyrst. Xbox Series X mun kosta 449 pund í Bretlandi og Xbox Series S 249 pund. Enn hefur ekki verið staðfest verð á tölvunum hér á landi.
Undanfarna daga hefur Sveinn Aðalsteinn verið að dusta rykið af gömlum tölvuleikjum og spilað vel valda leikjatitla. Hingað til hefur hann spilað leikina Mafia (2002), The Saboteur (2009), Star Wars: Republic Commando (2005) og Legendary (2008) og er hægt að nálgast upptökur af spilunum á YouTube-rás okkar. Aldrei er að vita nema fleiri leikir bætist við á næstunni! Vilt þú að Sveinn spili einhvern ákveðinn tölvuleik? Sendu @Bumbuliuz þá línu á Twitter.
Í nýju myndbandi sem Sony setti nýlega á YouTube er nýja PlayStation 5 leikjatölvan tekin í sundur og sést þar meðal annars hvernig kælibúnaður tölvunnar lítur út. Margir PlayStation 4 notendur hafa kvartað yfir miklum hávaða í viftu tölvunnar og má gera ráð fyrir því að það vandamál verði ekki til staðar í PlayStation 5. Eigendur PlayStation 5 geta sjálfir tekið ytri hulstur tölvunnar af og fest eða losað standinn sem fylgir tölvunni svo tölvan geti staðið lóðrétt.
Krónan gaf starfsfólki sínu frjálsar hendur í framstillingu á vörum og hefur útkoman verið skemmtilegt líkt og sjá má á Facebook-síðu Krónunnar. Tvær framstillingar vöktu þó sérstaka athygli. Í Krónunni Bíldshöfða er búið að endurraða Kristals-kössum þannig að þær mynda andlit Mario-bræðra, þeirra Mario og Luigi. Útkoman er skemmtileg og sérstaklega þar sem kassarnir ná að endurskapa gömlu góðu kubbagrafíkina frá gullárum NES leikjatölvu Nintendo. Mynd af Mario-bræðrum á Bíldshöfða var deilt á Facebook-hópi Tölvuleikjasamfélagsins þar sem fjöldi tölvuleikjaspilara hrósa þessu framtaki og segir einn þeirra að „Vonandi fær starfsmaðurinn sömu viðbrögð frá yfirmönnum sínum og frá þessari grúppu.“ Í…