Ben Affleck leikur Batman í Man of Steel
Ben Affleck mun leika Batman í Man of Steel, sem er væntanleg í kvikmyndahús 2015. Frá þessu greinir Los Angeles Times. Zack Snyder segist vera ánægður að Ben Affleck hafi verið valinn og að hann eigi eftir að smellpassa í hlutverk Batmans.
Zack Snyder tilkynnti fyrir mánuði síðan, á Comic-Con, að Batman og Superman myndu mætast í næstu Man of Steel kvikmynd. Margir hafa velt því fyrir sér hvaða leikari muni fara með hlutverk Batmans í myndinni, en Christian Bale staðfesti fyrr á árinu að hann ætli ekki smeygja sér í Batman búninginn aftur.
Þetta er ekki í fyrsta sinn sem Ben Affleck leikur ofurhetju á hvíta tjaldinu. Árið 2003 fór hann með hlutverk Daredevil í samnefndri mynd sem hlaut blendna dóma.
Heimild: Los Angeles Times / -BÞJ
Þú hefur kannski áhuga á þessu...
Í skugga leðurblökunnar →
WB gefa út Gotham Knights útgáfu kitlu →
Leikjarýni: Injustice 2 – einn af betri bardagaleikjum ársins →
