Fréttir1

Birt þann 23. desember, 2011 | Höfundur: Nörd Norðursins

7

SOPA og PIPA: Ritskoðun á Internetinu

SOPA (Stop Online Piracy Act) og PIPA (Protect IP Act, eða Preventing Real Online Threats to Economic Creativity and Theft of Intellectual Property Act) eru bandarísk frumvörp um reglur sem eiga að nýtast til þess að stöðva ólöglega dreifingu höfundaréttarvarins efnis á Internetinu, t.d. kvikmyndir, tónlist, sjónvarpsþætti, tölvuleiki og fleira.

Það sem gerir SOPA og PIPA fyrst og fremst að umdeildum frumvörpum eru völdin sem fyrirtækjum og bandarísku ríkisstjórninni eru gefin, en  samkvæmt reglunum mega þau meina netverjum í Bandaríkjunum aðgangi að tilteknum vefsíðum sem þau telja að brjóti þessar tilteknu reglur.

Með þessu er verið að setja mikla pressu á þær vefsíður sem mögulega dreifa þesskonar efni. Við erum ekki aðeins að tala um sjóræningasíður, heldur einnig síður á borð við Google, YouTube, Twitter og Facebook, þar sem ætlast er til þess að ábyrgðarmenn vefsíðanna beri ábyrgð á því sem notendur setja þar inn. Það skal tekið fram að með þessari leið verður ekki hægt að stöðva ólöglegt niðurhal, en það verður hægt að loka á allar vefsíður sem fylgja ekki reglunum um ritskoðun. Halló Kína?

SOPA og PIPA bjóða upp á óþarfa og hættulega ritskoðun sem getur haft mjög slæmar afleiðingar í för með sér. Það eru ekki bara gamlar sem nýjar heimasíður sem eru í hættu, heldur einnig almennt tjáningarfrelsi á netinu. Netverjar um allan heim hafa vakið athygli á og gagnrýnt SOPA og PIPA og eru Wikipedia, Mozilla, Google, Facebook Tumblr, eBay og LinkedIn eru meðal þeirra fyrirtækja sem styðja mótmælin og vilja ekki sjá þessar reglur taki gildi.

Talið er að bandaríska þingið muni fjalla um SOPA á næstu dögum eða vikum og mun PIPA fylgja í kjölfarið.
Smelltu hér til að sjá hvað þú getur gert til að taka þátt í mótmælunum.

Hér í lokin er að finna tvö myndbönd um efnið. Það fyrra er stutt myndband sem lýsir PIPA í hnotskurn og það seinna er 20 mínútna myndband þar sem John „TotalBiscuit Bain“ hjá Cynical Brit ræðir um mögulegar afleiðingar SOPA og PIPA.

BÞJ

Heimildir: Digital Trends, Fight For The Future: PIPA, Keep The Web Open, Mozilla og Wikipedia.

 

Deila efni

Tögg: , , , , , , , , ,


Upplýsingar um höfund:

Birt af ritstjórn



7 Responses to SOPA og PIPA: Ritskoðun á Internetinu

  1. Daníel Páll Smárason says:

    Snillingurinn Angry Joe sem dæmir leiki talar um þetta líka og hann er að berjast á móti þessu http://www.youtube.com/watch?v=f-hpgI0XFSg og svo getiði farið á http://angryjoeshow.com/ þar sem hann dæmir leiki og myndir

  2. Bjarki Þór says:

    Ég furða mig á því að íslenskir fjölmiðlar eru ekkert að fjalla um þessi umdeildu frumvörp sem mörg mannréttindasamtök hafa nú harðlega gagnrýnt (https://www.eff.org/document/letter-human-rights-community-opposing-sopa) sem og stór og virt netfyrirtæki á borð við Facebook, Google, Mozilla og Wikipedia. Þessi frumvörp geta haft gríðarleg áhrif á netsamfélagið í heild sinni og þess vegna nauðsynlegt að íslenskir fjölmiðlar fjalli um málið sem allra fyrst.

    Ég sendi völdum fjölmiðlum ábendingu um þetta í fyrradag en svo virðist sem enginn þeirra hafi áhuga á að veita þessu nokkra athygli. Nema þá kannski EFTIR atkvæðagreiðsluna í bandaríska þinginu, en að mínu mati er það nú heldur seint í rassinn gripið.

  3. Nörd Norðursins says:

    Uppfærsla:

    – Anonymous hópurinn hefur hótað SONY, Justin Bieber, Lady Gaga, Kim Kardashian og Taylor Swift aðgerðum vegna stuðnings þeirra við hið umdeilda SOPA frumvarp. – http://youtu.be/WjOPXpd9PSU

    – Sony, Nintendo og Microsoft styðja SOPA frumvarpið samkvæmt Joystiq – http://www.joystiq.com/2011/12/30/anonymous-is-apparently-gearing-up-to-shut-down-sony-again/

  4. Nörd Norðursins says:

    Uppfærsla:

    – Samkvæmt Business Insider hafa Nintendo, Electronic Arts og Sony Electronics dregið stuðning sinn við SOPA til baka – http://www.businessinsider.com/the-largest-game-companies-in-the-world-have-dropped-their-support-for-a-bill-the-internet-hates-2011-12

  5. Pingback: Ráðstefna um stafrænt frelsi 2012 | Nörd Norðursins

  6. Pingback: CISPA: Njósnað um netverja | Nörd Norðursins

Skildu eftir svar

Efst upp ↑