Bíó og TV

Birt þann 15. ágúst, 2011 | Höfundur: Nörd Norðursins

1

Kvikmyndarýni: Thor

Ég ákvað að kíkja á kvikmyndina Thor sem var að detta í kvikmyndahúsin núna í lok apríl. Mér brá svolítið þegar ég ætlaði að kaupa miða því hún er einungis sýnd í þrívídd, sem gerði það að verkum að væntingar mínar jukust (Því hærra miðaverð = meiri væntingar). Ég lét það ekki stoppa mig og skellti mér á hana. Leikararnir léku hlutverk sín mjög vel, fyrir utan Natalie Portman. Einhverra hluta vegna fannst mér eitthvað skrýtið að sjá hana í ofurhetjumynd, en það er bara ég. Þetta er flott og vel gerð mynd og naut sín vel í þrívídd og húmorinn sem fylgir myndinni er í anda Iron Man myndanna.

Það sem pirraði mig helst voru staðreyndavillurnar um norræna goðafræði (sem sagnfræðingur að mennt þá hefur þetta mikil áhrif!). Það mátti svo sem alveg búast við einhverjum vitleysum frá Hollywood. Ég ætla samt að benda á eina villu sem íslenski þýðandinn gerði. Hann náði að klúðra eftirnafninu hans Loka og lét hann vera Leifsson. Kannski var það framburður leikaranna sem ruglaði hann, en Loki er Laufeyjarson.

Á heildina litið þá er þetta góð mynd sem má skemmta sér vel yfir og þeir sem hafa gaman af ofurhetju myndum í anda Iron Man og Hulk, ættu ekki að vera sviknir af þessari mynd. Ég gef henni 3 stjörnur af 5 og bíð spenntur eftir Captain America og The Avengers.

P.s. Bíðið eftir að kreditlistinn klárist þá kemur smá auka atriði 🙂

– Ívar Örn Jörundsson

Stikla fyrir Thor

Tögg: Ivar Orn Jorundsson, kvikmyndarýni, thor

Þú hefur kannski áhuga á þessu...

Íslenskur tölvuleikur með Fjallinu í aðalhlutverki →

Kvikmyndarýni – Thor: Ragnarok →

Kvikmyndarýni: Rogue One: A Star Wars Story →

Kvikmyndarýni: You’re Next →