DmC: Devil May Cry er fimmti leikurinn í Devil May Cry leikjaseríunni. Í þessum hjakk- og höggleik stjórnar spilarinn ofur(gúmmí)töffaranum Dante sem er hálfur engill og hálfur djöfull. Þessi blanda gefur Dante einstaka ofurkrafta sem gera honum kleift að ferðast í aðrar víddir og drepa djöfla sem aðrir geta ekki séð. Djöflar stjórna Limbo City Leikurinn gerist í borginni Limbo City sem er stjórnað af djöflum í mannsgervum. Með því að skuldsetja almenning og með stöðugum fjölmiðlaáróðri hafa djöflarnir náð að heilaþvo fólkið sem sér ekki lengur raunverulegt vandamál samfélagsins. Þegar djöflar byrja að ráðasta á Dante býðst Kat til…
Author: Nörd Norðursins
Nörd Norðursins lét sig ekki vanta á UTmessuna í ár þar sem helstu tölvu- og tæknifyrirtækin á Íslandi voru saman komin. Boðið var upp á forritun með Skemu, kynningu á ýmiskonar tæknibúnaði auk þess sem hægt var að spila fyrstu persónu skotleikinn DUST 514 frá CCP. – BÞJ
Nýlega kom hryllingsmyndin Sinister í kvikmyndahús hérlendis, en hún er nýjasta afurð Scott Derrickson, leikstjóra hinnar ágætu The Exorcism of Emily Rose (2005). Einnig eru um borð framleiðendur myndanna Insidious (2010) og Paranormal Activity (2007), en sú fyrrnefnda er að mínu mati ein ef betri hryllingsmyndum síðustu ára. Sinister notfærir sér ýmsar aðferðir sem hafa skelft hrollvekjuaðdáendur síðustu ár, t.d. fundnar upptökur, yfirnáttúruleg fyrirbæri og litla óhugnanlega krakka. Þessar aðferðir hafa reyndar orðið fyrir nokkurri ofnotkun upp á síðkastið, en stundum kemur út mynd sem nýtir þær vel og það er að mestu leyti tilfellið í Sinister. Myndin segir frá…
Gleðilegan föstudag! Í Föstudagssyrpu vikunnar bjóðum við upp á feitan pakka af stiklum úr væntanlegum sæfæ-, ævintýra og hryllingsmyndum. Góða skemmtun! OBLIVION UPSIDE DOWN OZ THE GREAT AND POWERFUL WARM BODIES EVIL DEAD [18+] THE ABCs OF DEATH [18+]
Í þessu stórskemmtilega myndbandi fara þeir Jack og Geoff hjá Roster Teeth yfir tíu bestu leikjamistökin á árinu sem var að líða. Ef þetta er ekki nægur skammtur af skrítnum og fyndnum tölvuleikjabrotum að þá bendum við á myndbandið frá þeim yfir bestu leikjamistökin árið 2011. – BÞJ
Í dag, 6. febrúar 2013, er haldið upp á dag depilhöggsins á ártíð skapara þess hins ítalska prentara Aldo Manuzio sem lést árið 1515. Aldo var fyrsti maðurinn til að nota depilhöggið á þann máta sem við gerum enn í dag; þ.e. til að skilja að orð eða setningar með ólíkum merkingum. Aldo var merkilegur maður og færði okkur einnig skáletrið en í dag skulum við halda okkur við depilhöggið. Flest ykkar þekkja þetta fallega merki líklega undir nafninu semíkomma en að mínu mati er heitið depilhögg mun fallegra. Það heiti var fyrst notað af málfræðingum Halldóri Kr. Friðrikssyni í…
UTmessan verður haldin í þriðja sinn 8. og 9. febrúar næstkomandi í Hörpu. Að því tilefni sendi Skýrslutæknifélagið eftirfarandi fréttatilkynningu frá sér í dag: UTmessan, einn stærsti viðburður ársins í tölvugeiranum, verður haldin í þriðja sinn dagana 8. og 9. febrúar í Hörpu. Tilgangur UTmessunnar er ekki síst til að sýna almenningi hversu stór og umfangsmikill þessi grein er orðin hér á landi en þar mæta öll helstu tölvu- og tæknifyrirtæki landsins og taka þátt með einum eða öðrum hætti og hvetja þannig fólk til að kynna sér um hvað tölvuiðnaðurinn snýst. Tugir áhugaverðra fyrirlestra, sýning, keppnir, kennsla og afhending verðlauna…
Breski gamanhópurinn Monty Python hyggst gera nýja kvikmynd í fullri lengd sem mun bera heitið Absolutely Anything, en frá þessu greindi Forbes frá í síðustu viku. Tökur hefjast í apríl á þessu ári. Hópurinn hefur gert nokkrar vinsælar gamanmyndir á borð við Monty Python and the Holy Grail (1975) og Monty Python’s Life of Brian (1979), en að þessu sinni verður myndin byggð á vísindaskáldskap þar sem þeir fara með hlutverk geimvera sem geta látið óskir jarðarbúa rætast. Absolutely Anything verður blanda af leikinni og tölvugerðri mynd. Terry Jones mun leikstýra myndinni og leika í henni (eða tala inn á) ásamt þeim John Cleese,…
Síðastliðinn föstudag var stofnuð SMÁÍS síða á Facebook. Á síðunni var meðal annars hægt að horfa á nýjustu auglýsingaherferð samtakanna, yfirlýsingu frá þeim vegna nýlegrar umfjöllunar í Viðskiptablaðinu sem þeir telja vera illa unna, auk erlendra frétta sem fóru misvel í gesti síðunnar. Þegar vinafjöldinn var kominn í u.þ.b. 60-70 manns fóru umræður að myndast um fréttirnar sem SMÁÍS hafði sett á vegginn hjá sér ásamt skilaboðum, en síðan birti meðal annars erlenda frétt um mann sem gerðist sekur um að hafa stolið rafmagni frá nágranna sínum og bættu við fyrirsögninni „Sumir stela rafmagni…“ Eftir að neðangreind ummæli og frétt…
Svartir sunnudagar hafa staðið að fjölda glæsilegra sýninga á költ myndum í Bíó Paradís, þar á meðal Dawn of the Dead, Freaks og Big Trouble in Little China. Svartir sunnudagar hafa kynnt dagskrá sína í febrúar með yfirskriftinni Forboðinn febrúar. Um er að ræða valdar kvikmyndir sem voru lengi vel á lista yfir þær myndir sem voru lengi bannaðar á Íslandi. Dagskrána má sjá á plakatinu hér fyrir neðan. – BÞJ