Ný viðbót fyrir Battlefield 1 var kynnt á E3 kynningu EA sem lauk fyrir stuttu. Viðbótin ber heitið In the Name of the Tsar og fókusar á austurhluta Evrópu á tíma Fyrri heimstyrjaldarinnar. Viðbótin mun innihalda her Rússlands, átta sex ný kort, nýja hluti, farartæki, ný verkefni, nýjar spilunarleiðir og fleira. Tengt efni: Fleiri fréttir frá E3 2017
Author: Bjarki Þór Jónsson
Samvinnuleikurinn (co-op) A Way Out frá Hazelight leikjafyrirtækinu er væntanlegur snemma árið 2018. Hazelight er stofnað af teyminu sem gerði Brothers: A Tales of Two Sons sem er leikur sem býður upp á áhugaverða spilun, tilfinningahlaðna sögu og nýjungar í leikjahönnun. Leikurinn endaði á lista hjá okkur frá árinu 2014 yfir 11 áhugaverða norræna tölvuleiki! Josef Fares er stóra nafnið hjá Hazelight og segist hann lofa því að nýi leikurinn, A Way Out, muni bjóða upp á einstaka og frumlega leikjaupplifun. Um er að ræða tveggja spilara samvinnuleik sem verður eingöngu hægt að spila á skiptum skjá (split-screen). Um er að…
Á hverju ári koma nýir íþróttaleikir með viðeigandi uppfærslum frá EA Sports. EA birti ný sýnishorn úr FIFA 18, NBA Live 18 og Madden 18 á E3 kynningunni sem lauk fyrir stuttu. Cristiano Ronaldo er andlit FIFA 18 fótboltaleiksins. Í nýja FIFA leiknum munu leikmenn liðanna vera gæddir sínum sérkennum (signature moves) í spilun á vellinum og verður hægt að velja á milli mismunandi leikstíla auk þess sem boðið verður upp á áframhaldandi söguþráð fyrir Alex Hunter úr fyrri FIFA leik. Í NBA Live 18 verður hægt að spila svipaða leið sem kallast The One. Þar spilar maður sem leikmaður…
Hin árlega E3 tölvuleikjasýning verður haldin dagana 13.-15. júní í Los Angeles í Bandaríkjunum. Að venju munu risarnir úr leikjabransanum halda kynningar rétt áður en sjálf sýningin hefst, þar verða væntanlegir leikir kynntir, ný sýnishorn birt og fleira. Kynningarnar standa yfir dagana 10.-13. júní og er það leikjafyrirtækið EA sem mun ríða á vaðið með kynningu sinni sem hefst þann 10. júní kl. 19:00 að íslenskum tíma. Auk EA verða Microsoft (Xbox), Bethesda, Ubisoft, Sony (PlayStation) og Nintendo með kynningar fyrir sýninguna. Arnar Ingi Vilhjálmsson setti saman gott yfirlit yfir kynningarnar þetta árið og birti á Facebook-hópnum Tölvuleikjasamfélagið. Við fengum leyfi…
Margir horfa til fjórðu iðnbyltingarinnar sem gengur út á vélmennavæðingu og sjálfvirk störf, en nánar má lesa um fjórðu iðnbyltinguna hér á heimasíðu Samtaka iðnaðarins og hér á Wikipedia. Árið 2013 birtu þeir Carl Benedikt Frey og Michael A. Osborne skýrslu sem ber heitið „The Future of Employment: How susceptible are jobs to computerisation?“ þar sem þeir rannsökuðu hve næm mismunandi störf væru fyrir tölvutækni og þróun. Höfundarnir tóku fyrir 702 mismunandi störf og reiknuðu út hve líklegt væri að tölvutækni og vélmennavæðing myndi hafa áhrif á starfið í náinni framtíð. Samkvæmt skýrslunni eru u.þ.b. 47% starfa í Bandaríkjunum í…
Góður leikur getur verið algjör bjargvættur í löngum ferðalögum. Það er aftur á móti ekki sjálfgefið að finna þessa gullmola og hef ég þess vegna ákveðið að taka saman lítinn lista yfir fimm slíka leiki. Athugið að hér verða biðraðaleikir ekki teknir með, heldur eingöngu ferðaleikir, sem bjóða uppá dýpri spilun en hinn hefðbundni biðraðaleikur (sbr. Candy Crush), eiga að geta haldið manni vel sáttum við skjáinn í a.m.k. 30-60 mínútur og eru aðgengilegir á snjallsíma eða spjaldtölvur. BADLAND 2 Í Badland 2 stjórnar þú litlum krúttlegum svörtum verum sem geta flogið, köllum þá bara krúttlinga. Leiknum er skipt niður…
Við tókum rúnt í gegnum nýju Costco verslunina í Garðabæ til að skoða vöruúrval og verð á nördalegum varningi. Vonbrigðin urðu nokkur þegar í ljós kom að lítið var í boði fyrir nördana; engar leikjatölvur, engir tölvuleikir og engin sérstök deild fyrir spil eða safnhluti. Aftur á móti í miðri verslun er að finna flott úrval af bókum sem lesendur hafa eflaust áhuga á að skoða betur. Verðið er sanngjarnt og til dæmis kostar Harry Potter and the Cursed Child 1.849 kr. í Costco en 3.599 kr. í Pennanum Eymundsson. Í Costco er hægt að kaupa seríuna A Song of…
Í sumar, nánar tiltekið þann 7. júlí, mun Netflix hefja sýningu á nýjum Castlevania sjónvarpsþáttum sem byggja á sögu samnefndrar leikjaseríu sem á rætur sínar að rekja til NES leikjatölvunnar frá Nintendo. Í leikjaseríunni berst aðalsöguhetjan með svipuna á lofti við ýmis kvikindi, þar á meðal fljúgandi höfuð, beinagrindur og þekktar ófreskjur á borð við Frankenstein og Drakúla. Fyrir stuttu birti Netflix kitlu fyrir nýju þættina. Kitlan er næstum ein og hálf mínúta að lengd, en fyrstu 40 sekúndurnar eru heiðraðar NES tölvunni góðu.
LocoRoco var upphaflega gefinn út fyrir PSP, handheldu leikjatölvuna frá Sony, árið 2009. Núna í mánuðinum var endurbætt útgáfa gefin út á PSN netversluninni fyrir PlayStation 4 leikjatölvuna. Um er að ræða krúttlegan þrautaleik sem hentar öllum aldurshópum þar sem markmið leiksins er að losa heiminn við illmenni og gera heiminn góðan og friðsamlegan. Söguþráður leiksins er alls ekki sterkur eða grípandi, heldur er hann eingöngu notaður til að gefa leiknum og spilaranum einhvern tilgang og lokamarkmið. Leikurinn skiptist í fimm mismunandi heima og í hverjum heimi eru átta borð sem nauðsynlegt er að klára í réttri röð. Leikurinn er…
Íslenska leikjafyrirtækið Solid Clouds hefur birt nýtt kynningarmyndband fyrir Starborne á YouTube-rás sinni. Starborne er fjölspilunarleikur þar sem spilarar kanna heima og geima og fá frjálsar hendur til að mynda bandalög, taka þátt í pólitík, og hugsa taktísk um sitt og annara manna yfirráðasvæði í risavöxnum heimi. Fyrirtækið hefur verið að vinna að gerð leiksins undanfarin ár og er leikurinn nú kominn á alfa-prófunarstig. Nýlega var opnað fyrir nýja lotu í alfa-prófun. Hægt er að skrá sig til leiks hér á www.starborne.com. Í myndbandinu er meðal annars leikflokkurinn útskýrður sem Starborne tilheyrir, MMORTS (Massively Multiplayer Online Real-Time Strategy), sem skilgreinist…