Eftir að hafa frétt að Evil Dead endurgerð væri á leiðinni leist mér ekki á blikuna, þrátt fyrir að ég hafi tæknilega séð ekkert á móti endurgerðum. Af þeim sem ég hef séð þá hef ég reynt að tækla þær einar og sér, þar sem þær eru gerðar á öðrum tímum og þar af leiðandi aðrar áherslur. Endurgerðir og framhöld á þekktum hryllingsmyndum hafa fengið mikið óorð á sig undanfarinn áratug. Þrátt fyrir það hverfa þær ekki af hvíta tjaldinu því þær græða oftast peninginn til baka og meira en það. Auðvitað snýst þetta allt um peninga en samt sem áður…
Author: Nörd Norðursins
Rétt í þessu var kynningu Microsoft á arftaka Xbox 360 að ljúka. Nýja græjan ber heitið Xbox One og mun sameina flestar gerðir af afþreyingu í eitt tæki að sögn Microsofts. Xbox One mun koma í verslanir um allan heim á þessu ári og verður því í beinni samkeppni við PlayStation 4 sem kemur í verslanir um næstu jól. Snjalltækið Xbox One Xbox One er ekki eingöngu leikjatölva heldur einnig snjalltæki. Með skipunum getur notandinn auðveldlega hoppað á milli tölvuleikja, kvikmynda, tónlistar o.fl. Xbox One notar nýja og endurbætta útgáfu af Kinect skynjaranum til að skynja andlit, rödd og…
Fyrir nokkrum vikum skrifaði ég stutta grein og mælti með vísindaskáldssögum fyrir þá sem þekktu lítið til í þeim bókaflokki. Mig langaði að fylgja henni eftir og benda á bækur fyrir hinn almenna furðusagnalesanda. Mikill fjöldi bóka kom til greina en ég ákvað að velja nýlegri sögur, sú elsta er frá 1989. Gaman væri að heyra hugmyndir annarra og hvet ég fólk eindregið til að mæla með góðum vísindaskáldsögum í athugasemdum. Hyperion – Dan Simmons Hyperion er sérstök saga sett fram sem rammasaga utan um sex minni frásagnir. Hver þeirra er sögð af einstaklingi í hópi pílagríma sem ferðast…
Á morgun, 21. maí 2013, mun Microsoft kynna nýja kynslóð af tölvuleikjum, afþreyingarefni og leikjatölvu, enda eru liðin tæp 8 ár frá útgáfu Xbox 360 leikjatölvunnar. Það verður áhugavert að fylgjast með kynningunni og bera möguleika vélarinnar saman við PlayStation 4 sem Sony kynnti á dögunum. Hægt verður að fylgjast með kynningunni í beinni hér á heimasíðu Xbox og í gegnum Xbox 360 leikjatölvuna. Útsendingin hefst kl. 17:00 að íslenskum tíma og verður merkið #XboxReveal notað í umræðum á Twitter. – BÞJ
TEDxReykjavík 2013 verður haldið 3. júní 2013 í Borgartúni 19 (Arion banka) milli kl. 13:00 og 17:30. TEDx viðburður var síðast haldinn í Reykjavík árið 2011 og var þemað þá tækni, kennsla og hönnun. Að þessu sinni verður boðið upp á fjölbreytta fyrirlestra þar sem nýjar hugmyndir og uppgötvanir verða kynntar fyrir áhorfendum. TEDx viðburðirnir hafa heldur betur slegið í gegn og náð að gefa góðum hugmyndum verðskuldaða athygli. Þeir sem vilja kynna sér TEDx betur geta skoðað TEDx fyrirlestra á heimasíðu TEDxReykjavík og TEDxTalks. Dagskrá TEDxReykjavík 2013 Andie Nordgren, framleiðandi EVE Online – Participation as Design Space Bjarni…
Karlmennsku- og kynþokkatríóið Dætrasynir spila kántrýslegin rokkabillípopplög og hafa sent frá sér lög á borð við Hrein mey frá Heimaey og Biðilsferðir til Bolungarvíkur. Meðlimir hljómsveitarinnar eru þeir Baldur Ragnarsson, Flosi Þorgeirsson og Loftur S. Loftsson. Í laginu TölvuTiffany frá Tennessee skiptir hljómsveitin yfir í klúra nördagírinn og syngur um sveitt webcam stefnumót við hana TölvuTiffany frá Tennessee. -BÞJ
Eins og glöggir lesendur hafa tekið eftir hefur heimasíða Nörd Norðursins verið frekar óstöðug og hægvirk upp á síðkastið vegna álags. Við ákváðum því að skoða nýja hýsingu. 1984 hýsir nú vef Nörd Norðursins og er síðan hraðvirkari fyrir vikið. Útlit heimasíðu Nörd Norðursins hefur verið meira og minna óbreytt í þau tvö ár sem síðan hefur verið virk og fannst okkur tími til kominn að hressa aðeins upp á útlitið. Þrátt fyrir nýtt útlit er allt eldra efni enn aðgengilegt líkt og áður, en það á þó eftir að aðlaga margar eldri færslur að nýju útliti og má gera…
Varúð: Inniheldur mögulega spilla! Guillermo del Toro er löngu orðið stórt og áhrifamikið nafn innan kvikmyndageirans og því þykir ákveðinn gæðastimpill fylgja þeirri framleiðslu sem hann kemur nálægt. Gott dæmi um þetta er The Orphanage (2007) sem er án efa með betri hryllingsmyndum síðari ára. Hann framleiddi líka Don‘t Be Afraid of the Dark (2010), sem mér þótti ekki jafn frábær, en myndirnar sem hann kemur nálægt hafa þó yfirleitt einhvern sjarma. Nýjasta dæmið er hryllingsmyndin Mama (2013) sem var að detta í kvikmyndahús hérlendis. Hún er spænsk-kanadísk en dreifð af Universal Pictures og er frumburður leikstjórans Andrés Muschietti. Hann…
Gleðilegan föstudag! Í Föstudagssyrpu vikunnar bjóðum við upp á feitan pakka af stiklum úr væntanlegum sæfæ-, ævintýra og hryllingsmyndum. Góða skemmtun! The World’s End Ender’s Game Pacific Rim The Ghastly Love of Johnny X R.I.P.D. World War Z Man of Steel Elysium
Í sumar mun Ultron koma til baka í Marvel heiminn. Bein munu brotna og blóðið mun flæða í stríðum straumum og engin hetja verður ósnortin. Allar ofurhetjur munu ganga í gegnum erfiðleika og missi og ekkert verður samt á ný! En ég lofa ykkur því að tveimur mánuðum eftir að serían klárast verður allt komið í samt lag á ný. Velkomin á öld ATBURÐANNA! Stórkostlegir atburðir eins og finna má í blöðum risanna stóru hófust fyrir margt löngu. Fyrsti atburðurinn er talinn hafa átt sér stað í Marvel með Secret Wars árið 1984. Allar ofurhetjur Marvel heimsins og skúrkar eru…