RIFF kvikmyndahátíðin 2024
Kvikmyndahátíðin RIFF hófst í gær og stendur yfir til og með 6. október. Í ár verða sýndar 328 kvikmyndir, þar á meðal 82 kvikmyndir í fullri lengd og 246 stuttmyndir. Sem fyrr heldur RIFF áfram að leggja áherslu á bæði upprennandi og þaulreynt kvikmyndagerðafólk, og gætir kynjajafnræðis, en meira en helmingur kvikmyndagerðafólks (50.80%) eru kvenkyns. Kvikmyndirnar sem verða í sýningu í ár sýna jafnframt fram á mikla alþjóðlega breidd, en þær koma alls frá 65 löndum úr öllum heimsálfum, og veita því innsýn inn í óragrúa af ólíkum menningarlegum frásögnum.
Áhugi og þátttaka á Alþjóðlegu kvikmyndahátíðinni í Reykjavík, RIFF, hefur aldrei verið meiri en í ár, en nefna má sem dæmi að met var slegið í innsendingu íslenskra stuttmynda, eða sem nemur hátt í hundrað verkum sem sýnir ótrúlega grósku á því sviði. Þá er úrval leikinna mynda í fullri lengd og heimildarmynda meira en nokkru sinni í 21. árs sögu hátíðarinnar sem fyrst var haldin í Reykjavík 2004.
Þá er úrval leikinna mynda í fullri lengd og heimildarmynda meira en nokkru sinni í 21. árs sögu hátíðarinnar sem fyrst var haldin í Reykjavík 2004.
Fjöldi Norðurlandafrumsýninga er á RIFF, en sænskar myndir eru í fókus á hátíðinni í ár – og margar myndanna koma hingað frá virtustu hátíðum í heimi á borð við Cannes, Feneyjar, Toronto og Rotterdam þar sem þær hafa notið hylli og verið verðlaunaðar. Því er um að ræða einstakt tækifæri til að sjá bestu myndir ársins, en flestar myndanna verða ekki sýndar áfram í bíóhúsum hérlendis!
Sérstök athygli er vakin á afsláttarkjörum fyrir ungt fólk sem getur nálgast U20 og U30 passa á riff.is Einnig vekjum við athygli á UngRIFF, kvikmyndahátíð barna- og ungmenna, sem fer fram samhliða megin hátíðinni og gefur RIFF ekkert eftir þegar kemur að dagskrá af hágæða kvikmyndaefni.
Kynntu þér dagskrá RIFF nánar hér á heimasíðu hátíðarinnar.
Heimild: Fréttatilkynning RIFF
Mynd: RIFF
Þú hefur kannski áhuga á þessu...
Geek’s Guide to Reykjavik →
Kvikmyndahátíðin RIFF hafin í Reykjavík →
Hryllingsmyndahátíðin Frostbiter hefst í dag – Frítt inn! →
