Kómíski lífhermirinn Walk of Life sem íslenska leikjafyrirtækið Porcelain Fortress hefur verið að þróa undanfarin ár var gefinn út á Steam í gær, fimmtudaginn 30. apríl. Leikurinn hafði áður verið aðgengilegur á þróunarstigi (early access) á Steam frá því 24. október 2025 og hefur síðan þá fengið margar viðbætur og uppfærslur.
Um er að ræða partýleik sem spilast líkt og borðspil þar sem allt að sex spilarar keppa í skóla lífsins. Leikurinn byggir á svipaðri hugmynd og No Time to Relax sem Porcelain Fortress gaf út árið 2019 þar sem spilarar þurfa að huga að ýmsum lífsviðburðum eins og ömurlegum helgarboðum, að gleyma því ekki að borða, mennta sig, skella sér á vinnumarkaðinn og þéna peninga.
Walk of Life er á 30% útgáfuafslætti á Steam og kostar nú 13,99 dali en hefðbundið verð er 19,99 dalir.