TOHU er lítill sætur þrautaleikur sem auðvelt er að falla fyrir

Samantekt: Fallegur leikur sem inniheldur fjölbreyttar og skemmtilegar þrautir en leikurinn býður upp á fáa nýjunga.

4

Góður

Í ævintýra- og þrautaleiknum TOHU stjórnar spilarinn lítilli stelpu sem getur breytt sér í vélmennið Cubus. Ill vera hefur ráðist á heimabæ stelpunnar og virðast þessi vera eingöngu vilja eyðileggja allt sem á vegi hennar verður. Það er í höndum spilarans að bjarga heiminum frá þessari illu veru með því að safna nauðsynlegum hlutum til að lagfæra það sem veran hefur eyðilagt.

Leikurinn er virkilega fallegur og hljóðin í leiknum vel gerð. Gullmolinn eru þó þrautirnar sem eru hæfilega erfiðar – þær ná að halda manni vel við efnið án þess að vera of erfiðar. Stundum koma þó tímapunktar þar sem gott væri að fá vísbendingu um hvað á að gera næst og þá er leikurinn tilbúinn að aðstoða þig áfram, svo yfirleitt er óþarfi að leita að svörum á netinu.

Á heildina litið er þetta lítill sætur þrautaleikur sem auðvelt er að falla fyrir.