Tveir nýir Wolfenstein leikir eru væntanlegir nú í sumar, annars vegar VR-leikurinn Wolfenstein Cyberpilot og hins vegar Wolfenstein Youngblood sem er stærri í sniðum. Þetta kom fram á E3 kynningarfundi Bethesda í ár.
Í Wolfenstein Cyberpilot fer spilarinn með hlutverk hakkara í París árið 1980 sem notar tæknikunnáttu sína til að taka yfir stríðstækjum nasista og snúa þeim gegn eigendum sínum.
Sagan í Wolfenstein Youngblood gerist á níunda áratug seinustu aldar, eða um tveim áratugum eftir atburði Wolfenstein II: The New Colossus. Söguhetjur leiksins eru tvíburarnir Jessica og Sophie sem eru dætur B.J. Blazkowitzch (sem spilarar þekkja úr fyrri leikjum) og berjast gegn nasistum í París. Hægt verður að spila leikinn í einspilun eða í tveggja manna co-op.
Báðir leikirnir lenda í verslunum þann 26. júlí næstkomandi.