Þessa vikuna ætlum við að nefna þrjá óhefðbundna og stórfyndna leiki sem þú verður að prófa – eða einfaldlega njóta þess að horfa á aðra spila.
Surgeon Simulator 2013
Hér ferðu í hlutverk lélegasta skurðlæknis í heimi, sem er auk þess líklega nýbúinn að þamba bolla af sveppatei. Það er fáránlega erfitt að stjórna leiknum og útkoman er alltof fyndin!
> Spila Surgeon Sumulator 2013.
Cat Mario
Þessi leikur er yndislegur og pirrandi á sama tíma. Leikurinn hermir eftir hinum fræga Super Mario Bros. leik, en í Cat Mario stjórnar þú ketti í stað Mario auk þess sem það er búið að gera leikinn fáránlega erfiðan og pirrandi.
Not Tetris 2
Leikurinn virkar líkt og klassíski Tetris leikurinn – en með eðlisfræðilegu tvisti. Tetris kubbarnir lenda skakkt og fljótlega endar þú í einni stórri kubbasúpu.