Hitchcock hátíð í Bíó Paradís

Helgina 8. – 10. mars munu Svartir Sunnudagar og Bíó Paradís standa fyrir Hitchcock hátíð þar sem þrjár Hitchcock myndir verða sýndar á jafn mörgum kvöldum. Hátíðin byrjar með sýningu á Rear Window (1954) á föstudag, Vertigo (1958) tekur svo við á laugardag og lýkur hátíðinni á sunnudag með Psycho (1960). Allar sýningar hefjast klukkan 20:00.

Þetta er tilvalið tækifæri fyrir kvikmyndanörda og aðra kvikmyndaunnendur til að sjá klassísk verk eftir Hitchcock á hvíta tjaldinu. Hér fyrir neðan er hægt að nálgast stiklur úr myndunum, en nánari upplýsingar um Hitchcock hátíðina má finna hér á heimasíðu Bíó Paradís.