Doom hjálmurinn fylgir safnaraútgáfu Doom Eternal
Bethesda tilkynnti fyrir stuttu að nýi Doom leikurinn, Doom Eternal, er væntanlegur í verslanir þann 22. nóvember á þessu ári. Samkvæmt nýjum sýnishornum úr leiknum sem sýnd voru á kynningu fyrirtækisins í tengslum við E3 tölvuleikjaráðstefnuna mun nýi leikurinn byggja á svipaðri formúlu og Doom leikurinn frá árinu 2016 þar sem áhersla er lögð á góða spilun, mikinn hraða og brútal framsetningu.
Í Doom Eternal hafa djöflar hertekið jörðina og er þitt verkefni er að redda málunum og bjarga jörðinni. Í leiknum verður flakkað á milli vídda og meðal annars heimsótt himnaríki og helvíti. Leikurinn er fyrstu persónu skotleikur líkt og fyrri Doom leikir og mun innihalda söguþráð í einspilun og fjölspilunarhluta sem kallast Battlemode.
Hægt verður að kaupa sérstaka safnaraútgáfu af Doom Eternal og mun Doom hjálmurinn frægi fylgja með þeirri útgáfu í raunstærð.
Þú hefur kannski áhuga á þessu...
Returnal – „Ekki fyrir alla“ →
Leikjavarpið #7 – Doom Eternal, Animal Crossing, PS5 og indíleikir →
Djöfullegt ferðalag Doom: Eternal →
