RisaPONG, bátaskák og hnefatafl á Menningarnótt
Boðið verður upp á fjölbreytta dagskrá á Menningarnótt í Reykjavík núna um helgina og ættu flestir að finna eitthvað við sitt hæfi. Hér er listi yfir nokkra sérstaklega áhugaverða viðburði sem verður boðið upp á í ár og ber þar sérstaklega að nefna risaútgáfu af gamla góða tölvuleiknum PONG frá árinu 1972.
PONG – á Hörpu!
Um er að ræða nýtt listaverk eftir Atla Bollason og Owen Hindley sem er kynnt á menningarnótt og varir allt til loka Reykjavik Dance Festival 31. ágúst. Spilarar koma sér fyrir á Kalkofnsvegi gegnt Hörpu og stýra spöðunum í PONG þaðan með snjallsímum. Framhlið Hörpu gegnir hlutverki skjás og þar fylgjast spilarar með framvindu leiksins á 714 ljósum! Í samstarfi við Hörpu og Vodafone.
>> Skoða viðburð á Menningarnott.is
Bátaskák
Gestir og gangandi er fylgt um borð í trébátinn Óskar Matt VE 17 undir öruggri handleiðslu skipstjórans Auðunns Jörgensson en þar bíður skáklistamaðurinn Róbert Lagermann á þilfari bátsins. Kostur gefst á að tefla tvær hraðskákir.
>> Skoða viðburð á Menningarnott.is
Skákstuð Skákakademíunnar
Í leifturskák hafa keppendur aðeins eina mínútu til umhugsunar. Því skiptir miklu máli að vera snöggur að leika og ýta á klukkuna. Alheimsmótið í leifturskák verður haldið á Menningarnótt á Vitatorgi. Í mótið eru boðaðir nokkrir sterkustu hraðskákmenn Reykjavíkur. Þar á meðal Íslandsmeistarinn Guðmundur Kjartansson og stórmeistarinn Hjörvar Steinn Grétarsson. Án efa eiga eftir að verða mikil læti og hamagangur eins og jafnan í leifturskák. Ekki skemmir fyrir að skemmtileg tónlistaratriði verða flutt á torginu samhliða taflmennskunni. Eftir leifturskákina geta gestir teflt sín á milli jafnframt þess að meistararnir í leifturskákinni munu gefa kost á skákum við sig. Allir velkomnir!
>> Skoða viðburð á Menningarnott.is
Íslandsmeistaramótið í Hnefatafli
Hnefatafl var geysivinsæll leikur á fyrstu öldum Íslandsbyggðar. Vinsældir leiksins hafa þó hrakað nokkuð í seinni tíð og því hefur Borgarsögusafnið ákveðið að endurvekja hans forna víkingaleik og halda fyrsta Íslandsmeistaramótið í Hnefatafli. Keppt verður í sal Landnámssýningarinnar, Aðalstræti 16 og öllum boðin þáttaka hvort sem þeir kunna leikinn eða ekki. Kennsla í Hnefatafli verður á staðnum. Yngra fólk getur einnig spreytt sig í Refskák. Skráning til leiks fer fram á Landnámssýningunni og á Facebooksíðu safnsins.
>> Skoða viðburð á Menningarnott.is
– BÞJ
Þú hefur kannski áhuga á þessu...
Fimm leikir sem fylgja lögmáli Bushnells →
Risaútgáfa af PONG spiluð á Hörpu →
Menningarnótt 2013: 5 áhugaverðir viðburðir →
