Zorblobs – nýr íslenskur leikur á iTunes
Undanfarin tvö ár hefur íslenska leikjafyrirtækið Fancy Pants Global verið að vinna að gerð Zorblobs, nýs tölvuleiks sem nú er fáanlegur á iPhone og iPad. Í leiknum þarf spilarinn að verjast svöngum, en óvenju krúttlegum, geimverum sem borða bókstaflega allt sem á vegi þeirra verður – jafnvel tré, fólk og bleyjur!
Þrír mismunandi heimar eru í leiknum og eru fleiri heimar væntanlegir. Til að verjast geimverunum notar spilarinn ýmiskonar tæki og tól, allt frá krúttlegum ástarbombum yfir í harðkjarna gereyðingarvopn.
Leikurinn glansar af litagleði og húmor og við hvetjum lesendur okkar til að prófa leikinn og þannig styðja við íslenska leikjaiðnaðinn um leið. Zorblobs kostar $1.99 og er að finna hér á iTunes. Nánari upplýsingar um leikinn má finna á heimasíðu Zorblobs.
-BÞJ
Þú hefur kannski áhuga á þessu...
IGI hittingur 17. október – Fancy Pants fjallar um Zorblobs →
Icelandic Gaming Industry (IGI) →
