Godsrule: War of Mortals kominn á iPad
Apríl síðastliðinn var tölvuleikurinn Godsrule: War of Mortals frá íslenska leikjafyrirtækinu Gogogic gefinn út á vafra. Í dag var leiknum bætt við á leikjalista App Store og er nú einnig spilanlegur á iPad.
Leikurinn var í vinnslu í u.þ.b. eitt og hálft ár og er gerður af íslenska leikjafyrirtækinu Gogogic en gefinn út af leikjarisanum SEGA. Gogogic hefur fært okkur leiki á borð við Vikings of Thule og Amazing Napoleon’s Great Escape from Tiny Places.
Í stuttu máli er Godsrule fantasíu fjölspilunarleikur sem spilast í gegnum vafra eða iPad. Í leiknum stjórnar spilarinn her í bardaga og þarf að sigra andstæðinga, þjálfa hermenn, læra galdra og taka yfir og stjórna landsvæðum.
Hægt er að spila Godsrule ókeypis í gegnum vafra hér, eða sækja hann hér á App Store fyrir iPad.
-BÞJ
Þú hefur kannski áhuga á þessu...
Leikjavarpið #35 – Viðtal við Ara Þór hjá Epic Games →
Godsrule: War of Mortals kominn út →
Godsrule – Opin beta útgáfa →
