Skráning er hafin í stærsta LAN-mót ársins! HRingurinn er árlegt LAN-mót á vegum Tvíundar, félags tölvunarfræði-, stærðfræði- og hugbúnaðarverkfræðinema við Háskólann í Reykjavík, og verður haldið dagana 19 – 21.júlí í Sólinni (aðalbyggingu) í Háskólanum í Reykjavík. Skráning fer fram hér á www.hringurinn.net. Öllum er velkomið að skrá sig, sama hvort þeir stundi nám í HR eða ekki. Keppt verður í Counter-Strike Go, Starcraft 2, League Of Legends og DotA 2. Þátttökugjald er 3.900 kr. á meðan á skráningu stendur á heimasíðu HRingsins og verður lokað fyrir skráningar kl. 23:59 sunnudaginn 14. júlí. Þeir sem ná ekki að skrá sig…
Author: Nörd Norðursins
Myndasögur, bandarískar myndasögur sérstaklega, fóru í gegnum ákveðin og afmörkuð tímabil þar sem má greina sérstakan stíl og hugmyndafræði. Oft eru þessi tímabil nefndar „aldir“ og þá er um að ræða gullöldina, silfuröldina, bronsöldina og myrköldina. Aldirnar eru mislangar, sumir vilja til dæmis meina að myrköldin sé ennþá í gangi,en hún hefst um miðjan níunda áratuginn. Ef til vill mun þetta tímabil vera brotið upp af fræðingum og kannski höfum við gengið inn í nýja öld í dag (öld atburðanna kannski). Gullöldin hefst 1938 þegar Superman birtist í Action Comics nr.1 og varð fljótlega svo vinsæll að menn fóru að…
Það vill oft verða þannig að þær kvikmyndir sem virðast eiga möguleika á að setja ný viðmið og hafa áhrif á kvikmyndagerð framtíðarinnar fari framhjá flestum á þeim tíma sem þær koma út. Ekki eru þær allar gallalausar og þvert á móti geta þær verið algjört flopp. En það sem lifir áfram er ekki það sem fór úrskeiðis, heldur það sem kom á óvart og tókst betur en hjá þeim sem áður hafa reynt við þrautina. Í þessu tilviki er um að ræða sýn á heim sem, eins og yfirleitt, er eins konar spegilmynd af okkar eigin. Heim þar sem…
Stuttmyndin Ástarsaga eftir Ásu Hjörleifsdóttur hefur verið valin til sýninga á alþjóðlegu stuttmyndahátíðinni í Palm Springs í Californiu sem fer nú fram, en sú er ein virtasta stuttmyndahátíð í heimi. Myndin, sem var útskriftarmynd Ásu úr kvikmyndagerðardeild Columbia háskóla í New York, hefur verið sýnd á yfir 20 hátíðum síðan hún var frumsýnd á RIFF 2012, þar sem hún hlaut sérstaka viðurkenningu dómnefndar. Myndin er framleidd af Vintage Pictures (Hlín Jóhannesdóttir og Birgittu Björnsdóttir) og Andrew Hauser, en með helstu hlutverk fara Katherine Waterston (sem fer nú með lykilhlutverk í næstu mynd Paul Thomas Anderson), Walter Grímsson, Elva Ósk Ólafsdóttir…
Sony sendi nýlega frá sér þetta kynningarmyndband sem sýnir notendaviðmót PlayStation 4. Nýja viðmótið virkar fyrir að vera stílhreint, einfalt og þægilegt í notkun. PlayStation 4 kemur í verslanir í lok árs. -BÞJ
Gleðilegan föstudag kæru nördar, nær og fjær! Á föstudögum hitum við upp fyrir helgina með því að birta syrpu af nokkrum vel völdum myndböndum. Eitt langt Street Fighter bragð 8-bita Star Trek á 90 sekúndum Cosplay á Etna Comics 2013 Hressar mömmur að spila tölvuleiki Birgir Páll spilar Star Trek
Margt og mikið var um að vera á E3 þetta árið, margir nýjir og gamlir leikir litu dagsins ljós og svo voru að sjálfsögðu Xbox One og Ps4 í stóru hlutverki þar sem Sony var ekkert að spara skotin á Microsoft. Hér eru nokkrar örfréttir frá mörgum af þeim sko komu fram á sýningunni og atriði sem höfundi þótt áhugavert og þess virði að segja frá. • Framleiðendur Batman: Arkham Origins segja að það sé mikil pressa að taka við seríunni en einnig fylgi því mikill heiður. Lofa að þeir muni koma með eitthvað nýtt og segja að myndasagan Batman:…
Í gær tilkynnti Facebook, eigandi samfélagsmiðilsins Instagram, að nú sé hægt að taka upp myndskeið með Instagram. Hægt er að bæta við 13 mismunandi síum (líkt og þekkist með ljósmyndirnar) og þannig skapað skemmtilega stemningu í kringum myndskeiðin. Myndskeiðin geta ekki verið allt að 15 sekúnda löng og auðvelt og þægilegt að taka þau upp og klippa til. Instagram uppfærslan er nú þegar komin út fyrir Android og iOS. -BÞJ
Samþykkt hefur verið að nefna gíg á Merkúr eftir íslenska rithöfundinum og skáldinu Halldóri Laxness. Gígurinn Laxness er staðsettur nálægt norðurpóli Merkúr og er 26 kílómetrar í þvermál. Þetta er fjórði gígurinn sem er nefndur eftir Íslendingi þar sem nú þegar hafa gígar verið nefndir eftir Snorra Sturlusyni, Júlíönu Sveinsdóttur og Nínu Tryggvadóttur. Fjöldi gíga á Merkúr bera nöfn látinna rithöfunda og listamanna. Heimild: Stjörnufræðivefurinn / Mynd: NASA/Wikipedia (Mercury) -BÞJ
Mikil óánægja hefur ríkt í leikjasamfélaginu eftir að Microsoft tilkynnti að Xbox One þyrfti að tengjast netinu með reglulegu millibili til að geta spilað leiki á tölvunni og að nýja leikjatölvan myndi ekki styðja notaða leiki líkt og PlayStation 4 mun gera. Microsoft hefur nú sent frá sér þessa tilkynningu þar sem fyrirtækið segir að það ætli að hætta við þessi áform. Xbox One mun þar af leiðandi ekki krefjast nettengingar og mun styðja og spila notaða leiki. Þetta eru vissulega gleðitíðindi fyrir leikjasamfélagið þar sem stór hluti spilara hafði snúið baki við Microsoft vegna fyrri ummæla. Þessar breytingar munu…