Malneirophrenia og Bíó Paradís standa fyrir Uppvakningahátíð og kvikmyndatónleikum 29. og 30. október 2011. Kammerpönksveitin Malneirophrenia hefur valið fimm sígildar uppvakningamyndir sem verða sýndar yfir tvö kvöld. Þar að auki heldur sveitin kvikmyndatónleika í tilefni 100 ára afmælis þögla meistaraverkisins L’Inferno (1911), fyrstu ítölsku kvikmyndarinnar í fullri lengd. Rafdúettinn Radio Karlsson hitar upp fyrir sýninguna. Myndavalið er glæsilegt og erfitt að láta þessa snilld fram hjá sér fara. Miðaverð er 1.000 kr. á eina sýningu en 2.000 kr. fyrir heilt kvöld eða 3.500 kr. fyrir bæði kvöldin. Nánari upplýsingar er hægt að nálgast á bioparadis.is og malneirophrenia.com. Þú getur…
Author: Nörd Norðursins
Hefur þú búið til eða hannað tölvuleik, kvikmynd/stuttmynd, spil, teiknimyndasögu, skáldsögu, grafískt verk eða eitthvað annað sem mætti flokkast sem nördalegt og vilt vekja athygli á og birta á heimasíðunni okkar? Við hvetjum þig þá til að hafa samband við okkur á nordnordursins(at)gmail.com. Mynd: Jón Sigurðsson á heimasíðu Alþingis + 3D gleraugu.
Ótrúlega vel heppnuð tónlistar-stappa (mashup) í boði Chris frá Ithaca Audio þar sem hann notar m.a. tónlist úr Shaft og Star Wars. – BÞJ
Ég get ekki byrjað á þessari gagnrýni án þess að óska starfsfólki Caoz til hamingju með að koma þessu verkefni alla leið í kvikmyndahús. Það er alls ekki lítið afrek fyrir íslenska kvikmyndagerð að gefa út svona stóra kvikmynd sem á einnig þann heiður að vera fyrsta teiknimynd landsins í fullri lengd. Þið eigið skilið kossa, knús og vel verðskuldað klapp á bakið frá kvikunaraðdáendum (animation aðdáendum) Íslands. Þór er ungur maður sem hefur verið afneituð ást og athygli föður síns, guðinum Óðni, og býr með móður sinni í litlu víkingaþorpi. Eftir að guðir Valhallar hafna hamrinum Mjölni fær Þór…
Njarðarkjarni (Nerdcore hip hop) er hipp hopp stefna nördans. Í stað þess að rappa um peninga, dóp, glæpagengi og „tíkur“ eins og oft tíðkast í hefðbundnu hipp hoppi er rappað um tölvuleiki, hlutverkaspil, tækni, vísindaskáldskap og annað sem við kemur njarðarheiminum. Og í stað þess að endurtaka þéttar lykkjur úr djass og blús tónlist fortíðarinnar er kubbatónlist eða misgóðum/misheppnuðum trommutöktum blastað. Njarðarkjarni er ekki nema um 6 til 10 ára gömul tónlistarstefna og er því enn að þróast og enn deilur meðal manna um hvernig eigi að skilgreina flokkinn. Á meðan aðrir halda því fram að flytjandi njarðarkjarna verði að…
Jóhann Þórsson fjallar um FIMM BESTU VÍSINDASKÁLDSÖGUR ALLRA TÍMA. Neuromancer og Snow Crash – Cyberpönkið sameinað. Cyberpönk er sérgrein innan vísindaskáldsagna og byrjaði í raun og veru í bók William Gibson, Neuromancer. Það sem sameinar cyberpönkið er tækni á mjög háu stigi aðgengileg almenningi, einkafyrirtæki sem ráða heiminum og áberandi post-apocalyptic fílingur, þó ekkert bendi til að slíkur atburður hafi átt sér stað. Í báðum bókunum er nokkurs konar eilíf nótt, það eru a.m.k. allar lýsingar og öll frásögning þannig að erfitt sé að sjá hlutina fyrir sér öðruvísi en að kvöldi eða um nótt. Fljótlegasta leiðin til að fá upp…
Íslenska indí þjóðlagarokk/popp sveitin Árstíðir sló á létta strengi í Sankti Pétursborg í Rússlandi fyrir stuttu og spiluðu lagið Dr. Wily’s Castle úr Mega Man 2. Samkvæmt heimasíðu Árstíða var ákveðið að spila lagið eftir að Hallgrímur og Karl spiluðu leikinn til að drepa tíma í langri lestarferð í Rússlandi nokkrum dögum áður. – BÞJ
Íslenska leikjafyrirtækið Plain Vanilla hefur verið að vinna að gerð barnaleiksins Moogies fyrir iPad og iPhone. Leikurinn er ætlaður börnum á aldrinum 2-6 ára og foreldrum þeirra og samkvæmt Þorsteini Baldri Friðrikssyni, framkvæmdastjóra Plain Vanilla, mun leikurinn bjóða upp á skemmtun og þroskandi leiki. Samkvæmt Viðskiptablaðinu í dag hefur Plain Vanilla landað útgáfusamningi við Chillingo (sem sáu meðal annars um dreifingu á Angry Birds) um dreifingu á Moogies, en leikurinn er væntanlegur á Apple App Store síðar á þessu ári. – BÞJ Heimildir: Viðskiptablaðið Plain Vanilla
VARÚÐ! – INNIHELDUR SPILLA (SPOILERS)! – Pabbinn tók upp viðbrögðin hjá 4 ára syni sínum á meðan hann horfði á Star Wars: The Empire Strikes Back í fyrsta skipti og kemst að því hver faðir Lukes er í raun og veru.
Stórleikurinn DUST 514 frá íslenska leikjafyrirtækinu CCP er væntanlegur á PlayStation 3 á næsta ári. Það hefur lítið frést af leiknum síðan að Hilmar Veigar Pétursson, framkvæmdastjóri CCP, tilkynnti á E3 sýningunni (sem var haldin í byrjun júní) að leikurinn yrði eingöngu fáanlegur á PlayStation leikjavélarnar, en áður var ekki vitað með vissu á hvaða leikjatölvu(r) leikurinn stefndi. PlayStation.Blog náði tali af Brandon Laurino, aðalframleiðanda hjá CCP, og ræddu við hann um leikinn og kom ýmislegt áhugavert þar fram. Meðal annars útskýrði hann að PlayStation leikjavélin hafi fyrst og fremst orðið fyrir valinu vegna vilja Sony um að vinna með…