Í níunda þætti Leikjavarpsins ræða Sveinn og Daníel meðal annars um stöðu Stadia frá Google, nýju viðbótina fyrir Fallout 76 og lekann sem herti á The Last of Us Part 2. Að sjálfsögðu spilli-frír þáttur! Efni þáttarins: 🎶 Fortnite tónleikar, 🌀 Stadia Connect viðburður, 🤖 Tölvuþrjótar herja á Nintendo, 🌄 Ný viðbót fyrir Fallout 76, 🎮 Xbox Series X kynning þann 7. maí, ⚔️ Assassin’s Creed: Valhalla kynntur, 🏯 The Last of Us Part II og Ghost of Tsushima fá nýja útgáfudaga & 🧟♂️ Efni úr The Last of Us Part II lekið á netið.
Author: Nörd Norðursins
Daníel, Bjarki og Sveinn fjalla um allt það helsta úr heimi tölvuleikja! Það má segja að það sé einskonar remake-þema þessa dagana í Leikjavarpinu með Final Fantasy VII, Resident Evil 3 og Crysis. Strákarnir spiluðu allir Final Fantasy VII Remake í vikunni sem margir FF aðdáendur hafa beðið lengi eftir. Sveinn spilaði zombíleikinn Resident Evil 3 Remake og fjallar um hann. Einnig er fleira til umræðu eins og útlitið á nýju PS5 fjarstýringunni, Crysis Remake, Midgard 2020 og fleira. Efnisyfirlit þáttarins:* The Last of Us Part II seinkar á ný,* Final Fantasy 7 Remake,* Fyrstu myndir af PlayStation 5 fjarstýringunni,*…
Sveinn, Daníel og Bjarki fjalla um það helsta í heimi tölvuleikja. Sveinn baðar sig í blóðpollum Doom Eternal og segir okkur frá sinni upplifun. Daníel skellti sér í Animal Crossing og er orðinn stórskuldugur eftir stutta spilun. Bjarki segir frá indíleikjunum Mosaic og Spirit of the North sem sækir innblástur til Íslands. Efnisyfirlit þáttarins: Ný íslensk eSports-sjónvarpsstöð kynnt til sögunnar,PlayStation 5 kynningin,Nintendo Direct Mini,Doom Eternal,Mosiac,Spirit of the North,Half Life: Alyx,Animal Crossing,Væntanlegir leikir.
Bjarki, Daníel og Sveinn fjalla um áhrif COVID 19 á tölvuleikjaviðburði ársins en EVE Fanfest og GDC ráðstefnunum hefur meðal annars verið aflýst vegna veirunnar. Einnig fjalla þeir drengir um það sem vitað er um næstu kynslóð leikjatölva og taka fyrir tölvuleikina Plague Inc, A Plague Tale, Dreams og Final Fantasy VII Remake demóið. Efni þáttarins: • Áhrif COVID-19 á leikjaheiminn • EVE Fanfest og GDC 2020 aflýst • Staðan á E3 2020 • Plague Inc. nær aftur vinsældum • A Plague Tale umfjöllun • Dreams umfjöllun og rýni • Final Fantasy 7 Remake demo • Xbox Series X Specs…
Sony tilkynnti í vikunni að fyrirtækið muni ekki taka þátt í E3 tölvuleikjasýningunni sem fram fer í Los Angeles í Bandaríkjunum ár hvert. E3 er ein stærsta tölvuleikjasýning heims og á henni hafa stóru fyrirtækin innan leikjabransans kynnt væntanlega leiki og tækninýjungar. Sony tók ekki heldur þátt í fyrra svo þetta verður annað árið í röð þar sem Sony verður frá. Þess má geta að þá er ný leikjatölva frá Sony, PlayStation 5, væntanleg á markað í lok árs og á fyrirtækið enn eftir að kynna tölvuna fyrir fjölmiðlum og almenningi. Strákarnir í Leikjavarpinu fóru yfir þessar fréttir (hefst 01:29:00)…
Leikjavarpið snýr aftur eftir langt og gott jólafrí! Í fimmta þætti Leikjavarpsins fara þeir Daníel Rósinkrans, Sveinn Aðalsteinn og Bjarki Þór yfir það sem er væntanlegt á leikjaárinu 2020: Cyperpunk 2077, The Last of Us Part II, Final Fantasy VII Remake og fleiri spennandi leikjatitlar. Einnig velja þeir drengir svo sína þrjá uppáhalds tölvuleiki seinasta áratugs, 2010-2019. Sjóðheit tilkynning í lokin: Sony tilkynnir að fyrirtækið muni EKKI taka þátt í E3 á þessu ári! Hlustaðu á fimmta þátt Leikjavarpsins hér fyrir neðan.
Daníel Rósinkrans, Bjarki Þór og Sveinn Aðalsteinn fara yfir leikjaárið sem er að líða með því að rýna í niðurstöður The Game Awards verðlaunanna og lista upp sína uppáhalds leiki árisins 2019. Einnig hita þeir aðeins upp fyrir næstu kynslóð leikjatölva en PlayStation 5 frá Sony og Xbox Series X frá Microsoft eru báðar væntanlegar á næsta ári.
Bjarki Þór, leikjanörd Nörd Norðursins, mætti sem gestur í Lestarklefann til að ræða um tölvuleikinn Death Stranding (við höfum gagnrýnt leikinn og fjallað um hann í Leikjavarpinu). Lestarklefinn er menningarþáttur sem er útvarpað á Rás 1, sjónvarpað á aðalrás RÚV og er auk þess aðgengilegur á RUV.is og flestum hlaðvarpsveitum. Ásamt Bjarka sátu þau Geir Finnsson varaborgarfulltrúi og Júlía Hermannsdóttir tónlistarkona við borðið ásamt þáttarstjórnandanum Davíði Kjartani Gestssyni og ræddu um Death Stranding, kvikmyndina Knives Out og listasýninguna Lucky Me? Á heimasíðu RÚV er tekið fram að: Hægt er að horfa á þáttinn í heild sinni hér á RUV.is eða…
3. þátturSveinn, Daníel og Bjarki ræða um nýjasta Star Wars leikinn, Star Wars Jedi: Fallen Order. Auk þess taka þeir púlsinn á væntanlegum Half-Life leik, Half-Life: Alyx sem er væntanlegur frá Valve á næsta ári fyrir sýndarveruleikjagræjur. Einnig skoða þeir leikina sem tilnefndir eru í flokknum Leikur ársins á The Game Awards í ár.
2. þátturSveinn Aðalsteinn, Daníel Rósinkrans og Bjarki Þór fjalla um Death Stranding frá Kojima Productions. Leikurinn er mjög sérkennilegur og erfitt að útskýra í stuttu máli en í leiknum fer spilarinn með hlutverk Sam Porter Bridges (leikinn af Norman Reedus) sem er sendill sem þarf að fara með sendingar milli staða. Sam ferðast einn og þarf að gæta sín á óvinum, yfirnáttúrulegum verum og já, að misstíga sig ekki, því ef Sam dettur getur varningurinn skemmst við fallið. Leikurinn er gullfallegur og þrátt fyrir að leikurinn eigi að gerast í Bandaríkjunum minnir umhverfið í honum óneitanlega á íslenska náttúru. Um…