Tölvuleikjafyrirtækið Valve sendi frá sér tíst fyrir stuttu þar sem fram kemur að nýr Half-Life leikur verði kynntur til sögunnar næstkomandi fimmtudag.
Liðin eru 15 ár frá því að Half-Life 2 leit dagsins ljós og 12 ár frá aukapakkanum Half-Life 2: Episode Two. Half-Life leikirnir nutu mikilla vinsælda á sínum tíma og hafa enn viðhaldið ákveðnum vinsældum þar sem aðdáendur leikjanna hafa beðið lengi eftir þriðja Half-Life leiknum, sem hefur ekki enn verið kynntur til sögunnar.
Nýi Half-Life leikurinn ber heitið Half-Life: Alyx og mun vera einn aðal VR-leikjum Valve. Að svo stöddu vitum við ekki mikið um leikinn nema þá að leikurinn er gerður með sýndarveruleika í huga og mun trúlega fókusa á kvenhetjuna Alyx Vance úr Half-Life 2 út frá titlinum að dæma.
We’re excited to unveil Half-Life: Alyx, our flagship VR game, this Thursday at 10am Pacific Time.
— Valve (@valvesoftware) November 18, 2019
Can’t wait to share it with all of you! pic.twitter.com/BupFCxSrTw