Red Dead Online
Rockstar Games kynntu í gær Red Dead Online, sem er nethluti hins stóra heims Red Dead Redemption 2.
Red Dead Online er þróun af því sem við sáum í upprunalega Red Dead Redemption sem kom út árið 2010 og fékk góða dóma og seldist í yfir 15 milljónum eintaka og sankaði að sér fullt af verðlaunum þegar árið var gert upp.
Red Dead Online mun blanda saman keppnis- og co-op spilun á nýja vegu og nota spilun úr RDR 2 leiknum sem grunn að sögn Rockstar Games. Fyrirtækið lofar reglulegum viðbótum við þennan hluta leiksins og verður það líklega ekki ólíkt því hvað fyrirtækið hefur gert með GTA Online síðustu árin.
Hvort að þetta verður eins mikið “peninga-plokk” og GTA Online hefur stundum verið, er erfitt að giska á. Vonandi fáum við að sjá alvöru DLC (niðurhalsefni) fyrir leikinn ofan á allt hitt.
Red Dead Online mun koma út í nóvember á þessu ári, fyrst sem opið beta og munu nánari upplýsingar verða gefnar úr þegar nær dregur. Fyrirtækið býst við einhverjum byrjunarörðugleikum í byrjun eins og gerðist með GTA Online.
Það er nóg að eiga eintak af Red Dead Redemption 2 á PlayStation 4 eða Xbox One til að spila á netinu þennan hluta leiksins. RDR 2 kemur út þann 26. október á þessu ári fyrir PS4 og Xbox One. Ekkert hefur verið sagt um væntanlega PC útgáfu leiksins, RDR fékk engan en GTA leikirnir hafa alltaf komið á PC svo vonandi gerir þessi það einnig.
Hægt er að lesa nánar um Red Dead Online með að kíkja á viðtal sem IGN vefurinn átti við fyrirtækið hérna: http://www.ign.com/articles/2018/09/19/red-dead-online-devs-reveal-first-details
Þú hefur kannski áhuga á þessu...
Leikirnir sem tilnefndir eru til BAFTA Games Awards 2019 →
Leikjarýni: Red Dead Redemption 2 – „gallað meistaraverk“ →
Red Dead Redemption 2 – Fyrstu hughrif →
