Sony tilkynnir verð og útgáfumánuð fyrir PlayStation VR

Sony tilkynnti í dag á GDC (Game Developers Conference) að PlayStation VR, sýndarveruleikagleraugun fyrir PlayStation 4, eru væntanleg í verslanir í október á þessu ári og munu kosta $399 Bandaríkjadali / €399 Evrur / £349 Bresk pund – eða í kringum 50 til 60 þúsund íslenskar krónur. Samkvæmt Amazon.co.uk verður opnað fyrir forpantanir miðvikudaginn 16. mars á bresku vefversluninni.

PlayStation_VR_PS4 Sony er í beinni samkeppni við Oculus Rift og HTC Vive með PlayStation VR. Margir binda sterkar vonir við að PlayStation VR nái að gera sýndarveruleika aðgengilegan almenningi með því að bjóða upp á sýndarveruleikagleraugu á hagstæðu verði sem tengist PlayStation 4 vélbúnaðinum, en nú þegar hefur PS4 selst í yfir 30 milljónum eintaka.

Þrátt fyrir að Oculus og Vive lofi góðu þá er kostnaðurinn talinn vera of hár fyrir hinn almenna notanda. Gleraugun sjálf kosta á bilinu 600-800 Bandaríkjadali (sem gera u.þ.b. 75.000-100.000 íslenskar krónur í dag), auk þess sem notandinn þarf að hafa aðgang að öflugri tölvu til að geta upplifað sýndarveruleikann til fulls, og slíkar tölvur geta kostað ansi mikið.

Sony mun þar af leiðandi bjóða upp á mun ódýrari sýndarveruleikagleraugu en Oculus og Vive og um leið tengja gleraugun við aðgengilegan vélbúnað (PS4 tölvuna) sem margar milljónir notenda hafa nú þegar aðgang að.

Sony mun þar af leiðandi bjóða upp á mun ódýrari sýndarveruleikagleraugu en Oculus og Vive og um leið tengja gleraugun við aðgengilegan vélbúnað (PS4 tölvuna) sem margar milljónir notenda hafa nú þegar aðgang að. Þess ber þó að geta að til þess að nota PlayStation VR er nauðsynlegt að eiga PlayStation myndavélina sem er seld sér og kostar 10.995 kr. í Elko í dag. Svo þrátt fyrir að pakkinn sé ódýrari en aðrir sambærilegir kostir í dag að þá er hann samt sem áður nokkuð dýr.