Nýjar ljósmyndir úr kvikmyndinni Noah

Samkvæmt vefsíðunni The Playlist birtust í dag nýjar ljósmyndir úr kvikmyndinni Noah sem væntanleg er á næsta ári. Eins og flestir vita þá var hluti myndarinnar tekinn hér á landi og ef eitthvað er að marka frétt The Playlist þá er okkar ástsæli leikari Jóhannes Haukur Jóhannesson í stærra hlutverki en búast mætti við því minnst er á hann í upptalningu þeirra leikara sem fara með stærstu hlutverkin í myndinni, en einnig er minnst á hinn íslenska leikara Arnar Dan í sömu upptalningu. Því má ætla að hlutverk Jóhannesar og Arnars sé meira en bara lítil aukahlutverk en það á eftir að koma betur í ljós. Hér fyrir neðan má sjá nýjustu ljósmyndirnar úr myndinni og ef eitthvað er að marka bakgrunn myndarinnar af Jennifer Connelly þá er sú ljósmynd tekin á Íslandi.

Noah - Russell Crowe