Íslenski tölvuleikurinn NUTS vekur athygli erlendis

Íslenski tölvuleikurinn NUTS kom í verslanir fyrr á árinu og er nú fáanlegur á Apple Arcade, PC og Nintendo Switch. Leikurinn var fyrst gefinn út í desember í fyrra á Apple Arcade og 4. febrúar síðastliðinn kom leikurinn út á Nintendo Switch og PC. Hægt að nálgast PC útgáfu leiksins á Steam, Humble Store og itch.io. NUTS var fjármagnaður af Apple Arcade og gefinn út af Noodlecake sem hefur einnig gefið út leikina Alto’s Odyssey, Golf Blitz og Getting Over It with Bennett Foddy.

NUTS er fyrstu persónu ráðgátuleikur sem gerist í fjarlægum skógi. Þú færð það verkefni í hendurnar að njósna um íkorna í skóginum og skrá niður ferðir þeirra og þínar uppgötvanir.

NUTS er fyrstu persónu ráðgátuleikur sem gerist í fjarlægum skógi. Þú færð það verkefni í hendurnar að njósna um íkorna í skóginum og skrá niður ferðir þeirra og þínar uppgötvanir. Til þess þarftu aðgang að hjólhýsi, GPS staðsetningartæki og kort til að skipuleggja ferðir þínar um skóginn. Á daginn notar þú tímann til að skipuleggja hvar þú ætlar að staðsetja eftirlitsmyndavélarnar þínar og þegar myrkrið skellur á fylgist þú með ferðum íkornanna og kannar einkennilega hegðun þeirra – sem kunna að vekja upp allskonar spurningar.

Það sem er einkennandi fyrir leikinn strax í upphafi er útlitið á honum. Leikurinn er baðaður í litapallettu leiksins sem inniheldur heldur fáa tóna sem flestir eru mjúkir og róandi.

Leikurinn er framleiddur af fimm manna teymi á meðan heimsfaraldurinn gekk yfir, og er nú þegar farinn að skila hagnaði.

Leikurinn er framleiddur af fimm manna teymi á meðan heimsfaraldurinn gekk yfir, og er nú þegar farinn að skila hagnaði. Stjórn verkefnisins fór fram hér á landi en verkefnið var leitt af Jonatan Van Hove (Joon) sem er sjálfstætt starfandi leikjahönnuður sem er kvæntur listakonunni Marínu Björt og hefur búið á Íslandi frá því 2016. Joon hefur tekið þátt í fjölmörgum verkefnum, þar á meðal Isle of Games, og sá hann um hönnun og þróun leiksins (design and development). Ásamt Joon eru í teyminu T orfi Ásgeirsson, Pol Clarissou, Almut Shwacke og Charlene Putney. Torfi sér um borðahönnun (level design) í NUTS en hann hefur einnig komið að gerð símaleikjanna Out of the Loop og Triple Agent og var sá síðarnefndi meðal annars tilnefndur til verðlauna á Nordic Game ráðstefnunni árið 2017.

Á meðal þess sem kveikti hugmyndina hjá Joon var myndband Náttúruverndar af Guðmundi Páli Ólafssyni, ljósmyndara. Myndbandið sýnir hann rífa blaðsíður úr ljósmyndabók til þess að minna á hve mikið af hálendinu hefur horfið eða er í hættu á að hverfa undir lón í kjölfar virkjanaframkvæmda.

Leikurinn hefur almennt verið að fá mjög góðar viðtökur en hefur siglt undir radarinn hjá mörgum. NUTS fær til að mynda mjög jákvæða dóma (Very Positive) á Steam leikjaveitunni eftir að næstum 300 spilarar hafa gefið leiknum einkunn. NUTS var verðlaunaður fyrir bestu sjónlistina (Best Visual Arts) á BITBANG 2021 og fyrir bestu hljóðhönnun (Best Audio Design Award) á Indiecade 2020 og hefur ´leikurinn verið tilnefndur til fleirri verðlauna.

NUTS var verðlaunaður fyrir bestu sjónlistina (Best Visual Arts) á BITBANG 2021 og fyrir bestu hljóðhönnun (Best Audio Design Award) á Indiecade 2020 og hefur ´leikurinn verið tilnefndur til fleirri verðlauna.

Á þessum árstíma skrifa fréttamiðlar mikið um hvaða leikir, sem komu út á árinu sem er að líða, eiga skilið að hljóta titilinn „Leikur ársins“ (Game of the Year). Andy Robinson, fréttamaður hjá Forbes, skrifaði nýlega grein sem birtist á Forbes.com um leikinn og hvers vegna honum finnst að NUTS eigi skilið þennan merka titil í flokki fjölskylduleikja. Umfjallanir um leikinn hafa einnig birtst á PC Gamer, Wired og fleiri stöðum.

Leikjaklúbbur Leikjavarpsins valdi tölvuleikinn NUTS til að spila og við hvetjum sem flesta til að spila með okkur og deila sínu áliti á leiknum með okkur (til dæmis með því að senda okkur skilaboð á Instagram). Fjallað verður nánar um leikinn í næsta þætti Leikjavarpsins í desember.

Deila efni

Tögg: Joon, NUTS, Torfi Ásgeirsson