Árið 2005 var Psychonauts gefinn út og náði leikurinn fljótt ákveðinni költstöðu innan leikjaheimsins. Síðan þá eru heil sextán ár liðin. Nokkur eftirvænting hefur ríkt meðal spilara fyrri leiksins eftir framhaldinu sem leit dagsins ljós í seinasta mánuði
Tölvuleikjafyrirtækið Double Fine stendur á bakvið gerð leiksins en þeir hafa einnig gert leiki á borð við Broken Age, endurgert fjölda LucasArts leikja og gerðu einnig fyrri Psychonauts leikinn. Sveinn hjá Nörd Norðursins fjallaði um Psychonauts 2 í Leikjavarpinu, hlaðvarpi Nörd Norðursins og segir hann að óhætt sé að mæla með leiknum en hann hefur heilt á litið verið að hljóta góða dóma.
… skemmtilega skrýtinn þriðju persónu platformer-leikur sem inniheldur þrautir og húmor.
Psychonauts 2 er skemmtilega skrýtinn þriðju persónu platformer-leikur sem inniheldur þrautir og húmor. Erfiðleikastillingar leiksins opna fyrir fjölbreyttari spilun og opnar heim Psychonauts fyrir flesta aldurshópa.
Hlustaðu á hvað Sveinn hafði að segja um leikinn í myndbandinu hér fyrir neðan.