Skjálfti snýr aftur
Síminn hefur tilkynnt að tölvuleikjakeppnin Skjálfti muni fá endurnýjun lífdaga sinna og snúa aftur um miðjan apríl. Skjálftamótin hafa ekki verið haldin í nokkur ár, en þau voru á sínum tíma vinsælustu LAN-mót Íslands, þar sem hundruðir einstaklinga kepptu í tölvuleikjum á borð við Counter-Strike, Quake, Warcraft og fleiri leikjum.
Fyrsta skjálftamótið mun vera League of Legends mót, og verður ólíkt fyrri mótum, spilað á netinu. Skráning er þegar hafin á Skjálftasíðu Símans, en mótið hefst miðvikudagskvöldið 16. apríl. Síminn mun verðlauna efstu þrjú liðin í mótinu, en nánari upplýsingar um vinninga og mótsskipulag mun vera tilkynnt nánar þegar skráningu líkur þann 10. apríl.
http://www.siminn.is/skjalfti/
Höfundur er Kristinn Ólafur Smárason,
fastur penni á Nörd Norðursins.
Þú hefur kannski áhuga á þessu...
Spilar retróleiki til styrktar Barnaspítala Hringsins →
Leikjarýni: Tiny Knight – „Í besta falli sæmilegur platformer“ →
Jökull „Kaldi“ Jóhannsson sigrar Intel Hearthstone Cup í Bretlandi →
