Íslenski Spectrum leikurinn Leitin – myndband
Í leikjanördablogginu í október síðastliðnum var fjallað um óvæntan glaðning í Góða hirðinum og voru þar á meðal leikir í gömlu góðu Sinclair Spectrum tölvuna. Svo skemmtilega vill til að tæpum tveim mánuðum síðar hefur fyrrverandi eigandi Spectrum leikjanna skilið athugasemd eftir sig – og ekki nóg með það heldur er sá hinn sami höfundur íslenska tölvuleiksins Leitin.
Um er að ræða textaævintýraleik frá árinu 1989/1990 í Sinclair Spectrum þar sem spilarinn fer í hlutverk blaðamanns sem er í leit að týndum fjársjóði. Höfundar leiksins eru þeir Magnús Kristinn Jónsson og Matthías Guðmundsson.
Í þessu átta mínútna myndbandi (sem er birt með leyfi höfundar) sést hvernig leikurinn virkar og hvernig hann er uppsettur. Við stefnum á að veita ítarlegri umfjöllum um leikinn á næstunni þar sem við getum vonandi leitt ykkur í gegnum hluta leiksins og bætt við einhverjum skemmtilegum fróðleik.
– BÞJ
Þú hefur kannski áhuga á þessu...
Leikjavarpið #26 – Ratchet & Clank, Steam Deck og Activision Blizzard kæran →
Ring Fit áskorun í febrúar! →
Leikjavarpið #20 – Væntanlegir leikir 2021, Indiana Jones og Star Wars →
One Response to Íslenski Spectrum leikurinn Leitin – myndband