Leikjarýni

Birt þann 29. ágúst, 2011 | Höfundur: Nörd Norðursins

2

Leikjarýni: From Dust

From Dust er guðaleikur (god game) þar sem spilarinn stjórnar og hefur áhrif á náttúruna og umhverfi ættbálks sem er í sífellu að fjölga sér og byggja fleiri þorp. Þeir sem hafa haft gaman að guðaleikjum hingað til ættu ekki að vera fyrir vonbrigðum með From Dust frá leikjarisanum Ubisoft, en leikurinn er fáanlegur í Xbox 360, PC og væntanlegur í PS3.

Í sögu leiksins fylgir spilarinn ættbálki sem þarf að byggja upp lítið samfélag í viltri náttúru. Það er markmið spilarans að vernda meðlimi ættbálksins og samfélag þeirra frá hvers kyns hamförum sem kunna að skella á. Það er misjafn eftir borðum hversu mikil völd spilarinn hefur, en í leiknum fær hann völd yfir alls þremur efnum; sandi, vatni og hrauni. Með sandi getur spilarinn meðal annars þurrkað upp polla, stíflað læki, gert gönguleiðir og fleira. Vatnið hjálpar til við að rækta land, slökkva elda og stöðva rennandi hraun. Hraunið kveikir auðveldlega í ræktuðu landi og mótar landslagið varanlega eftir að það storknar.

 

 

Hvert borð er hálfgerður sandkassi fyrir spilarann og til margar mismunandi leiðir til að klára hvert borð og geta leiðirnar tekið frá örfáum mínútum yfir í hálftíma eða klukkutíma. Í hverju borði þarf spilarinn að koma sínum mönnum á ákveðna staði þar sem þeir geta byggt lítið þorp. Í hverju þorpi er stytta sem gefur spilaranum ákveðna krafta, eins og að þurrka upp allt vatn í borðinu í stuttan tíma eða eyða efnum. Einnig geta meðlimir ættbálksins sótt þekkingu á vissum stöðum til að vernda þorpin frá flóðum eða eldum.
Stjórnun leiksins er mjög einföld. Spilarinn notar pinnana (analog sticks) til að breyta sjónarhorninu, og hægri og vinstri gikkinn (trigger) til að færa efni milli staða. Hljóðin í leiknum eru vel heppnuð og grafíkin til fyrirmyndir – sérstaklega miðað við að leikurinn er ekki stórleikur og þar af leiðandi mun ódýrari (og styttri).

Spilarinn getur einnig spilað sig í gegnum áskoranir þar sem hann þarf að leysa ýmsar þrautir á stuttum tíma.

Leikurinn er klárlega peningana virði fyrir þá sem elska þrautaleiki eða að leika sér með guðskrafta.

8,8

 

– Bjarki Þór Jónsson

Deila efni

Tögg: , , , , , , , , , , ,


Upplýsingar um höfund:

Birt af ritstjórn



2 Responses to Leikjarýni: From Dust

  1. Daníel says:

    Þessi leikur er algjör tímaþjófur, af góðu týpunni.

    Get alveg gleymt mér í þessum snilldarleik 🙂

  2. Bjarki Þór says:

    Svoooo sammála þér! Maður á það líka til að gleyma missjonunum og fara bara að leika sér í þessum risavaxna sandkassa 🙂

Skildu eftir svar

Efst upp ↑