Eins og mér finnst gaman að hrósa Bíó Paradís þá verð ég að byrja þessa umfjöllun á því að segja að ég varð fyrir vonbrigðum með að á sýningu myndarinnar í vikunni var mjög hvimleiður og illa framsettur texti á myndinni. Það er gott og blessað að hafa textaða kvikmynd en þá væri ágætt að það væri almennilegur texti og áhorfendur látnir vita af því fyrir fram. Annað er að sum sætin í sal 1 kalla með ærandi ískri á smurningu. Vonandi verður þessi ábending mín tekin til skoðunar. Frásögn Coen bræðra leiðir áhorfendur inn smábæinn Fargo. Vetrarríki þar sem…
Author: Nörd Norðursins
Bruckheimer og Disney hafa átt í góðu samstarfi í gegnum tíðina þó svo að velgengni hinna ýmsu kvikmynda frá teyminu hafi verið upp og ofan. Nú er orðið ljóst að stóra útspil Disney á þessu ári gekk ekki nógu vel í miðasölu og má búast við því að tap fyrirtækisins á myndinni verði umtalsvert, þó svo að reiknað sé með að myndin skili inn eitthvað í kringum 35 milljörðum íslenskra króna í kassann, vandamálið er bara að sá peningur nær ekki upp í kostnað vegna framleiðslunnar og markaðsherferðarinnar samanlagt. Þó er floppið ekki jafn stórt og vegna kvikmyndarinnar John Carter…
Sony og Microsoft gáfu upp verðin á nýju leikjatölvunum sínum á E3 leikjasýningunni sem var haldin í síðasta mánuði – en hvað ætli leikjatölvurnar muni kosta í íslenskum verslunum? Ath: Íslenskt hefur verið staðfest Skoðum þetta aðeins. Oftar en ekki býður vefverslunin Amazon upp á vörur á mjög hagstæðu verði. Ef við notum bresku Amazon verslunina sem viðmið og berum saman verð á leikjatölvum á bresku vefversluninni og algengu verði leikjatölva hér á landi kemur í ljós að þær eru iðulega í kringum 30-70% dýrari í verslunum hérlendis. Verðmuninn má vanalega útskýra með ýmsum gjöldum, s.s. sendingarkostnaði, tollum, gengi krónunnar,…
Þekktustu kvikmyndaleikstjórar í gegnum tíðina hafa átt það sameiginlegt að hafa byrjað á botninum og unnið sig upp. Sumir hafa gengið í gegnum strangt nám í kvikmyndaskólum á meðan aðrir byrjuðu að sópa gólf í kvikmyndaverum. Þeir sem leggja kvikmyndagerð fyrir sig byrja yfirleitt á því að gera stuttmyndir og færa sig svo yfir í kvikmyndir í fullri lengd eftir að hafa lært af mistökum sínum og þroskað hæfileikana í smærri verkefnum. Það er því alltaf áhugavert að sjá byrjendaverk kvikmyndagerðarfólks og því birtast hér nokkrar stuttmyndir sem eru eftir mjög þekkta kvikmyndaleikstjóra. The Big Shave (1967) eftir Martin…
Fyrr á árinu fór Jósef Karl, einn af pennum Nörd Norðursins, á sína fimmtu hryllingsmyndahátíð, þar sem hann hitti leikara og aðstandendur ýmissa hryllingsmynda, í borginni Charlotte í Norður Karólínu-fylki í Bandaríkjunum. Þessar þrjár hljóðupptökur tók Jósef upp á Mad Monster Party 2013 hátíðinni og viljum við deila þeim hér með lesendum okkar. Fyrsta hljóðupptakan er með Bruce Campbell og er bráðskemmtileg og áhugaverð, önnur upptakan er með David Naughton og fleirum úr kvikmyndinni An American Werewolf in London og þriðja og síðasta hljóðupptakan er með Laurence R. Harvey og Ashlynn Yennie úr The Human Centipede II. Hver upptaka er á…
Íslenski safnadagurinn er haldinn hátíðlegur í dag, sunnudaginn 7. júlí 2013. Söfn um allt land taka þátt í deginum og verður boðið upp á leiðsagnir, sýningar, viðburði og fleira. Ítarlega dagskrá má finna á www.safnmenn.is og myndir og upplýsingar er að finna hér á Facebook síðu safnadagsins. Ókeypis er inn á flest söfn að tilefni dagsins. Mynd: Árbæjarsafn á Facebook / -BÞJ
Það er heldur betur spennandi og fjölbreytt úrval kvikmynda sem Bíó Paradís bíður áhorfendum upp á í sumar. Sérstök sumardagskrá hefur verið sett saman þar sem gamlar klassískar kvikmyndir, aðallega frá Hollywood, eru á boðstólnum. Virkilega gott framtak enda miklu skemmtilegra fyrir þá sem aðeins hafa séð margar af þessum myndum á VHS eða DVD að sjá myndirnar í kvikmyndahúsi. Gleðin hófst með sýningu á The Silence of the Lambs (1991) í leikstjórn Jonathan Demme. Myndin hlaut fimm Óskarsverðlaun á sínum tíma, meðal annars sem besta mynd en einnig hlaut Anthony Hopkins og Jodie Foster verðlaun fyrir besta leik í…
Lone Ranger á fastan stað í menningarsögu Bandaríkjanna. „Hi-Yo Silver, away!“ sem Jim Carrey hermdi eftirminnilega eftir í Ace Ventura 2, varð þekktur frasi. Silfurkúlurnar urðu einnig þekkt minni og upphafsstef óperunnar William Tell eftir Gioachino Rossini varð leiðarstef Lone Ranger. Persónan kom fyrst fram árið 1933 og þá í útvarpsleikriti en það er ennþá á huldu hver skapaði persónuna upphaflega, þó svo að margir hafi verið nefndir. Líklega á þó rithöfundurinn Fran Striker heiðurinn en hann samdi handritið að útvarpsleikritunum og samdi einnig bækur um persónuna. Útvarpsleikritið varð vinsælt og í kjölfarið komu bækur, kvikmyndir, teiknimyndir og myndasögur. Lone…
Mig langar til þess að byrja á því að segja að ég ætla ekki að gefa myndinni stjörnur. Það er eiginlega ekki sanngjarnt að fara að gagnrýna þessa mynd. Ef ég ætti að gagnrýna hana þá væri það eins og knattspyrnudómari sem væri beðinn um að dæma borðtennisleik, það er einfaldlega ekki hægt. Ég fel því lesendum að gefa myndinni stjörnur. Í gærkvöldi var sérstök sýning í Bíó Paradís á Hard Ticket to Hawaii (1987) í leikstjórn Andy Sidaris, sem einnig framleiðir, skrifar handritið og leikur í myndinni. Ég ætla að gefa mér það að Sidaris sé svona hinn týpíski…
Gleðilegan föstudag kæru nördar, nær og fjær! Á föstudögum hitum við upp fyrir helgina með því að birta syrpu af nokkrum vel völdum myndböndum. Dansaði í takt við Final Fantasy! Skemmtilegt listaverk í London Svona í tilefni 4. júlí! Hvað ef William Shakespeare hefði skrifað Star Wars? Jepps! Þessi bókin er í raun og veru til og er fáanleg hér! Fleiri Föstudagssyrpur!