Transformers 4 Sin City: A Dame to Kill
Author: Nörd Norðursins
QuizUp, hinn risavaxni spurningaleikur frá íslenska leikjafyrirtækinu Plain Vanilla, hefur verið að gera einstaklega góða hluti frá því að leikurinn kom út í nóvember fyrra. Hingað til hefur leikurinn eingöngu verið fáanlegur á Apple tæki en í dag kom leikurinn (loksins) á Android netverslunina Google Play. QuizUp var lengi vel á topplistanum yfir mest sóttu öppin og í dag eru notendur leiksins orðnir fleiri en 10 milljónir! Í QuizUp geta þátttakenndur valið á milli 400 mismunandi spurningaflokka og keppt við aðra þátttakenndur í rauntíma. Leikirnir byggja á sömu hugmynd og eldri QuizUp leikirnir frá Plain Vanilla (sbr. Basketball QuizUp og…
Alvarpið er ný íslensk hlaðvarpsþáttasíða. Á hverjum degi er nýr þáttur settur á síðuna, til dæmis á laugardögum er grínistinn Þorsteinn Guðmundsson með þáttinn Grínistar hringborðsins sem er óhætt að mæla með. Þátturinn Hefnendurnir í umsjón Hugleiks Dagssonar og Jóhanns Ævars Grímssonar er sérstaklega ætlaður nördum, en þar fjalla þeir félagar um nördalega hluti eins og Star Wars, teiknimyndasögur, kvikmyndir og fleira. Upptökurnar eru settar á netið alla mánudaga og eru nú þegar tveir þættir komnir hér á heimasíðu Alvarpsins. -BÞJ
Föstudaginn 7. mars, kl. 16, opnar myndasögusýning á verkum listakonunnar Lóu Hlínar Hjálmtýsdóttur. Lóa er þekkt fyrir að vera söngkona hljómsveitarinnar FM Belfast, en að auki er hún myndlistarkona, teiknari, myndskreytir og myndasöguhöfundur. Lóa lærði myndskreytingar í Parsons í New York. Hún hefur sent frá sér bókina Alhæft um þjóðir (2009) og birt myndasögur í ýmsum ritum, m.a. Grapevine, Mannlífi, ÓkeiPiss og Very Nice Comics. Hún teiknaði hluta teiknimyndaseríunnar Hulli, sem sýnd var á RÚV haustið 2013. Myndverk Lóu má skoða á Facebook síðu hennar. Á sýningunni, sem staðsett er á annarri hæð, í myndasögudeild aðalsafns Borgarbókasafns, Tryggvagötu 15, má finna…
Það er eflaust djörf ákvörðun að taka heim kvikmyndarinnar Inception og umbreyta honum í borðspil. Þessi „mind%$#&“ kvikmynd Christopher Nolan er ekkert lamb að leika sér við. Mörgum þótti söguþráðurinn ansi margslunginn og endirinn var mörgum hugleikinn. Nú hafa Bruno Gervasi og Reid Cuddy fjármagnað borðspilið Inceptor á Kickstarter og hafa fengið ríflega þá upphæð sem þeir stefndu að í upphafi. Það er því ljóst að borðspilið verður að veruleika. Þeir félagar fengu þó ekki beint leyfi frá Warner Brothers til þess að framleiða borðspilið en þeir sendu þó póst til lögfræðinga þar á bæ til þess að spyrja þá…
Hér sjáum við hvernig grafíkin í Thief lítur út í PS3, PS4, Xbox 360, Xbox One og PC.
Sigurvegari Game Creator 2014 var tilkynntur í dag í Háskólanum í Reykjavík. Alls bárust 11 leikir í keppnina og margar skemmtilegar hugmyndir eins og sést á myndbandinu hér fyrir ofan, en þar er sjást stutt sýnishorn úr leikjunum. Það var Indjánagil sem sigraði keppnina með leiknum sínum Skuggasveinn, en Indjánagil samanstendur af þeim Örvari Kárasyni og Sveinbirni Örvarssyni. Í verðlaun fá þeir félagar 140.000 kr. styrk frá Arion banka til að stofna nýtt leikjafyrirtæki, skrifstofupláss og aðstoð í boði Nýsköpunarmiðstöðvar Íslands, Unity Pro áskriftir sem gilda í 12 mánuði, pláss á netþjóni í 12 mánuði hjá Basis og inngöngu í IGI. Dómnefndin veitti…
Mín fyrstu kynni af Gran Turismo leikjaseríunni voru á gömlu góðu PlayStation leikjatölvunni en einn vinur minn átti annað hvort fyrsta eða annan leikinn. Grafíkin telst nú til dags ekkert til að hrópa húrra yfir en á þeim tíma fannst mér þetta líta ansi vel út og frekar raunverulegt. Því miður þá var það ekki nóg fyrir mig og hafði ég meira gaman af Need for Speed 2 eða Destruction Derby 2. Ég er mjög lítið fyrir bíla, sé þá bara sem tæki til að koma mér á milli staða og því veit ég lítið sem ekkert um bíla. Þannig…
Á Háskóladeginum, 1. mars 2014, verður tilkynnt hver sigraði Game Creator leikjakeppnina í ár. Athöfnin hefst klukkan 14:00 í Háskólanum í Reykjavík, stofu V102. Við hvetjum alla áhugasama um íslenska leikjaiðnaðinn, og tölvuleiki yfir höfuð, til að mæta á svæðið! Leikirnir sem tóku þátt í keppninni verða kynntir og í framhaldinu verður sigurvegarinn kynntur. Sigurvegari Game Creator fær 140.000 kr. styrk frá Arion banka til að stofna nýtt leikjafyrirtæki, skrifstofupláss og aðstoð í boði Nýsköpunarmiðstöðvar Íslands, Unity Pro áskriftir sem gilda í 12 mánuði, pláss á netþjóni í 12 mánuði hjá Basis og inngöngu í IGI. Viðburðurinn á Facebook …
Föstudaginn 28. febrúar kl. 12:00 verður boðið upp á opinn hádegisfyrirlestur á vegum Stofnunar stjórnsýslufræða og stjórnmála við Háskóla Íslands og Stjórnmálafræðideildar Háskóla Íslands í Öskju, stofu 132. Þar mun Haukur Arnþórsson, doktor í rafrænni stjórnsýslu, fjalla um upplýsingasamfélag framtíðarinnar. Á heimasíðu Stofnunar stjórnsýslufræða og stjórnmála Háskóla Íslands kemur fram: Fyrirlestur Hauks ber heitið „Upplýsingasamfélag framtíðar: tækifæri og hættur“. Í fyrirlestrinum er fjallað um hvernig upplýsingasamfélag framtíðarinnar gæti litið út, þar á meðal hvað einkennir opið upplýsingasamfélag og hvert við erum komin, en einnig um hættur netsins sem eru til dæmis aukið eftirlit með netheimum. Að lokum verða fyrirspurnir og…