CCP hefur sent frá sér nýtt sýnishorn úr EVE: Valkyrie. Ólíkt fyrri útgáfum af leiknum er umhverfið meira lifandi en áður þar sem hlutir eru á hreyfingu og risavaxin geimskip úr EVE heiminum birtast skyndlega í miðjum leik. Leikurinn styður Oculus Rift og Sony Morpheus sýndargleraugun sem eru væntanleg á markað 2015-2016. https://youtu.be/DZ4gpjwJa08 Höfundur er Bjarki Þór Jónsson, ritstjóri
Author: Nörd Norðursins
Erlendir gestir EVE Fanfest hátíðar og ráðstefnu CCP, sem fram fer í Hörpu um helgina og hefst núna á fimmtudaginn 19. mars, eru byrjaðir að streyma til landsins. Alls er búist við um 1.500 erlendum gestum á hátíðina að þessu sinni, þar af um 50 blaðamönnum frá mörgum stærstu leikja- og tæknimiðlum heims ásamt almennum fjölmiðlum á borð við BBC, Bild og The Guardian. Alls er búist við að um 3.000 manns sæki hátíðina um helgina. EVE Fanfest er nú haldin í ellefta sinn og hefur stækkað mikið síðan hún var fyrst haldin á efri hæð Kaffi Sólon árið 2004.…
Meðlimir 501st verða með kynningu á starfsemi sinni fimmtudaginn 19. mars kl. 18:00 í Nexus. 501st eru alþjóðleg búningasamtök og geta aðeins þeir sem eiga Star Wars búning illmenna úr myndunum frægu gerst meðlimir í samtökunum. Star Wars búningar verða á staðnum og geta áhugasamir fengið ítarlegar upplýsingar um hvernig búningarnir voru búnir til eða hvar þeir voru fengnir. Íslandsdeild 501st var stofnuð árið 2003 samkvæmt Facebook-síðu samtakanna sem samanstendur af tveimur meðlimum og fjölda stuðningsmanna. Þrátt fyrir ógnvekjandi búninga eru meðlimir samtakanna með stór og góð hjörtu en meðlimir deildarinnar kíktu meðal annars í heimsókn á Barnaspítala Hringsins árið 2014…
Á hverjum þriðjudegi verða sýndir tveir þættir af Buffy the Vampire Slayer. Þættirnir eru frá árunum 1997-2003 og er það Sarah Michelle Gellar sem fer með hlutverk Buffy Summers, aðalpersónu þáttanna. Joss Whedon stendur á bakvið gerð þáttanna en hann er vel þekktur í nördaheiminum, m.a. fyrir að skrifa handrit og leikstýra myndum á borð við The Avengers, Alien: Resurrection og Serenity. Vínsmakkarinn sýnir þriðju seríu um þessar mundir og eru tveir þættir sýndir á hverjum þriðjudegi. Sýning hefst kl. 20:00 og er hver þáttur um 45 mínúturu að lengd. Þættirnir eru allir sýndir með enskum texta. Skoða viðburð á…
The Order 1886 hefur verið umtalaður síðustu daga og vikur en ekki á góðan máta. Helsta gagnrýnin hefur verið lengdin; sumum hefur tekist að klára hann á fimm tímum en sjálfur var ég að nálgast tíu tímana. Meðallengdin er líklega einhvers staðar þar á milli vegna þeirrar áráttu minnar að kíkja í öll skúmaskot og skoða alla ganga. Lengdin er hins vegar bara ein mælistika af mörgum og hver og einn þarf að gera upp við sjálfan sig hversu mikilvægur þáttur hún er. Það er alveg eins slæmt að teygja lopann eða láta spilarann endurtaka sama hlutinn aftur og aftur…
Þriðja Íslandsmeistaramótið í tölvuleik sem var gefinn út fyrir árið 1990 verður haldið á Fredda, laugardaginn 7. mars Fyrr á árinu hélt Freddi Íslandsmeistaramót í Donkey Kong, í síðasta mánuði var Íslandsmeistaramót í Tetris á Lebowski og nú er röðin komin að tölvuleiknum Pac-Man! Waka waka waka! Mótið hefst kl. 16:00 laugardaginn 7. mars á Fredda, Ingólfsstræti 2a. Skráning fer fram á Fredda og á Facebook-síðu Fredda og er þáttökugjaldið 500 krónur. Skoða viðburðinn á Facebook Pac-Man fróðleikur Höfundur er Bjarki Þór Jónsson, ritstjóri
Sigurvegarar Game Creator 2015 voru tilkynntir um helgina í Háskólanum í Reykjavík. Yfir 60 manns tóku þátt í fjórum vinnustofum sem IGI bauð upp á á keppnistímabilinu. Vinnustofur og fyrirlestrar tengdir Game Creator eru aðgengilegir á YouTube rás IGI. Leikirnir sem tóku þátt í Game Creator 2015 voru: Tiny Knight frá Demon Lab [sýnishorn á YT] Timestopper frá CodeBros King Mango frá MPW Studio [sýnishorn á YT] Video Games Are Hard frá Making Play [heimasíða VGAH] Nega-Blast frá Cosmosis Swap frá FlowerPower [sýnishorn á YT] Polymorph frá Daz Team [sýnishorn á YT] Birth of a Star Empire frá Drifting Mind Studio BlockBuster frá Dead End Games Fungi Forest frá…
Aaru’s Awakening frá íslenska leikjafyrirtækinu Lumenox birtist skyndilega á bresku PSN versluninni í dag. Þar kemur fram að leikurinn kosti 9,99 pund, eða um 2.000 íslenskar krónur. Leikurinn er aftur á móti EKKI kominn á PSN að sögn Jóhanns Inga hjá Lumenox. Í seinustu viku sendi Lumenox frá sér fréttatilkynningu þar sem fram kom að leikurinn þeirra væri væntanlegur á Steam þann 24. febrúar næstkomandi, en útgáfudagur fyrir PlayStation yrði tilkynntur síðar. Það má því segja að PlayStation útgáfan hafi birst eins og elding úr heiðskíru lofti þegar leikurinn fannst skyndilega á PSN versluninni í dag. Fyrirtækið auglýsti ekki PlayStation…
Tölvuleikurinn Aaru’s Awakening frá íslenska leikjafyrirtækinu Lumenox Games er væntanlegur á Steam leikjaverslunina 24. febrúar næstkomandi. Leikurinn mun virka á Windows, Mac og Linux. Leikurinn verður á 15% afslætti fyrstu vikuna á Steam. Þetta kemur fram í fréttatilkynningu frá fyrirtækinu. Aaru’s Awakening er hraðskreiður 2D hasar- og þrautaleikur í handgerðum liststíl sem hefur verið í þróun síðan 2012. Upphaflega stóð til að leikurinn kæmi út árið 2013 en útgáfudegi hefur verið frestað nokkrum sinnum síðan þá. Líkt og við greindum frá í fyrra þá er leikurinn væntanlegur á PlayStation 3 og PlayStation 4 leikjatölvurnar – enginn útgáfudagur er þó kominn…
Kveikjarinn er forrit til að þjálfa sköpun í formi skapandi skrifa og ritlistar. Kveikjarinn hentar fólki á öllum aldri sem langar að æfa sig í ritlist og virkja sköpunarhæfileika sína. Kveikjarinn er einnig gagnlegt forrit í hefðbundnu skólastarfi en sköpun hefur verið skilgreind sem einn af sex grunnþáttum menntunar. Æfingarnar í Kveikjaranum er fjölbreytilegar og oft mog frumlegar. T.d. gætirðu átt að skrifa lýsingu á íþróttaleik í augum geimveru eða skrifa ástarsögu þar sem aðalsögupersónan er trúður sem drekkur mjög mikið kaffi. Markmið Kveikjarans er að hjálpa notanda að þroska sköpunargáfu, tjáningarmáta og sjálfsvitund sína og þjálfast í: skapandi skrifum, að byggja upp…