Nú er liðið á febrúarmánuð og maður er loksins búinn að sjá flestar þær myndir frá síðasta ári sem maður hafði hug á að sjá. Árið var gjöfult af gæðamyndum og úr mörgum að velja þegar maður íhugar hverjar hafi staðið upp úr. Þar sem kvikmyndir koma misjafnlega fljótt til landsins í sýningu getur orðið ruglandi að skilgreina hvenær þær hafi komið út. Ég hef því ákveðið að skorða listann minn við sýningu myndanna í kvikmyndahúsum hérlendis. Aðeins ein eða tvær þeirra mynda sem ég valdi voru frumsýndar árinu áður erlendis, en það voru eins konar forsýningar á kvikmyndahátíðum. …
Author: Nörd Norðursins
Ubuntu er ókeypis og opið stýrikerfi sem byggir á Linux. Ubuntu stefnir í sókn árið 2013 og er verið að endurbæta stýrikerfið um þessar mundir til muna svo það virki ekki aðeins á borð- og fartölvum líkt og í dag, heldur einnig í snjallsímum og spjaldtölvum. Hér fyrir neðan eru tvö kynningarmyndbönd; það fyrra kynnir Ubuntu fyrir snjallsíma og það seinna fyrir spjaldtölvur. Ubuntu fyrir snjallsíma Ubuntu fyrir spjaldtölvur – BÞJ
Tæpt ár er liðið síðan Google kynnti Google snjallgleraugun sín og Nörd Norðursins mátaði þau á nokkra þjóðþekkta Íslendinga. Nýlega sendi Google frá sér nýtt myndband þar sem möguleikar gleraugnannan eru kynntir enn frekar. Sérfræðingar vara notendur þó við því að gera sér of miklar væntingar, en þeir segja að tæknin í dag sé ekki enn orðin jafn fullkomin og fram kemur í auglýsingunni. Nýja kynningarmyndbandið – BÞJ
Íslenska leikjafyrirtækið Gogogic hefur síðastliðna 18 mánuði unnið að gerð tölvuleiksins Godsrule. Síðastliðnar vikur hafa valdir tölvuleikjaspilarar fengið að spila leikinn í lokaðri prufuútgáfu (closed beta), en nú hefur leikurinn færst í opna prufuútgáfu (open beta). Godsrule er fantasíu fjölspilunarleikur sem spilast í gegnum vafra og iPad spjaldtölvur. Í leiknum stjórnar spilarinn her í bardaga og þarf að sigra andstæðinga, þjálfa hermenn, læra galdra og taka yfir og stjórna landsvæðum. Þess bera að geta að Gogogic landaði nýverað samningi við leikjarisann SEGA um gerð og dreifingu leiksins. Þeir sem vilja prófa Godsrule geta nálgast beta útgáfu leiksins hér. – BÞJ
Gleðilegan föstudag kæru nördar, nær og fjær! Á föstudögum hitum við upp fyrir helgina með því að birta syrpu af nokkrum vel völdum myndböndum. Vel gerð stutt teiknimynd þar sem Mario Bros er blandað saman við Ghostbusters. Útkoman er: SUPER MARIO BUSTERS! Rússar eru greinilega ýmsu vanir, hér sjáum við viðbrögðin hjá einum við loftsteinaregninu. Misstiru af PS4 kynningu Sony? Ekki örvænta! Hér er allt sem skiptir máli á 3 mínútum. Tölvuleikjum kemur víst misvel saman…
Í gær hélt Sony tveggja klukkutíma kynningarfund um næstu PlayStation leikjatölvuna, PlayStation 4 (PS4), og kynntu væntanlega PS4 leikir. Nýja tölvan er kraftmeiri en sú fyrri og mun bjóða upp á nýja möguleika, en PlayStation 4 er væntanleg í verslanir í lok árs 2013. Breyttir tímar – breyttar áherslur Talsmenn Sony töluðu mikið um að með breyttum tímum kæmu breyttar áherslur. Þeir segjast ekki líta lengur á stofuna sem miðju tölvuleikjaspilunar, heldur sé spilarinn sjálfur miðja hennar. Með PS4 getur spilarinn spilað og nálgast upplýsingar um leikina sína í gegnum önnur tæki eins og t.d. PlayStation Vita (PS Vita), snjallsíma…
CISPA frumvarpið, eða Cyber Intelligence Sharing and Protection Act (einnig þekkt sem HR 3523), hefur vaknað aftur til lífsins eftir nokkurra mánaða hlé á bandaríska þinginu. CISPA er ansi líkt SOPA frumvarpinu sem gengur út á það að safna persónuupplýsingum um netverja og vefsíður. Frumvarpið beinist að svokölluðum „ógnum á netinu“ (cyberthreats) án þess þó að það sé skilgreint eitthvað frekar. Ríkið, leyniþjónustur og fyrirtæki fá upplýsingar um „ógnirnar“, sem geta verið allt frá leitarorðum einstaklings á leitarvélum, heimsóttar síður yfir í vefpóst og persónulegri gögn. Upplýsingarnar geta svo verið notaðar á nánast hvaða hátt sem er og fyrirtækin (Facebook,…
Íslenska leikjafyrirtækið Lumenox Games sendi frá nýtt þriggja mínútna sýnishorn í vikunni úr leiknum Aaru’s Awakening, en leikurinn er enn á alpha-stigi. Í myndbandinu fáum við að sjá hvernig leikurinn virkar í grófum dráttum og hvaða valmöguleika hann mun bjóða upp á. Leikurinn, sem er á Steam Greenlight, virkar eins og þægileg blanda af þrautaleik og pallaleik þar sem spilarinn þarf að vera fljótur að hugsa. Grafík og litir leiksins eru mjög grípandi og eru hreyfimyndirnar í honum framleiddar á gamla mátann, þar sem hver hreyfing er teiknuð á blað, ramma eftir ramma. Hægt er að lesa nánar um leikinn hér.…
Í janúar bárust þær fréttir að framtíð RIFF væri mögulega í hættu. Í ljós kom að Reykjavíkurborg var með svarta skýrslu um starfsemi RIFF í höndunum og hugðust hætta við að styrkja kvikmyndahátíðina. Gleðifréttir birtust svo á Mbl.is í dag þar sem fram kemur að Reykjavíkurborg hefur ákveðið að halda áfram samstarfi við RIFF og er kvikmyndahátíðinni því borgið (í bili)! Íslenskir kvikmyndanördar geta því fagnað á ný! Við viljum þakka öllum þeim sem skrifuðu undir stuðningsyfirlýsinguna kærlega fyrir – hún skipti máli. – BÞJ
Við gerð leiksins L.A. Noire var notuð tækni sem kallast MotionScan, þar sem 32 tökuvélum er beint að leikurunum og safna þær gögnum um hreyfingar og svipbrigði þeirra. Þannig eru persónur leiksins ekki aðeins með rödd leikaranna, auk þess líta þau svipað út. Þessi tækni skilar sér mjög vel í leiknum og gerir hann ansi raunverulegan, en í þessu skemmtilega myndbandi sjáum við nokkur mistök (bloopers) sem áttu sér stað við upptökur fyrir leikinn. – BÞJ