Rétt í þessu sendi Nordic Game frá sér fréttatilkynningu með lista yfir þá norrænu tölvuleikir sem tilnefndir eru til Nordic Game Awards þetta árið. Tölvuleikir frá íslenskum leikjafyrirtækjum eru nokkuð áberandi í ár en alls eru fjórir tölvuleikir tilnefndir til verðlauna. EVE Gunjack frá CCP er tilnefndur fyrir tæknilega hlið leiksins (Best Technology), Kingdom frá Licorice & Noio fyrir listræna nálgun (Best Art), Aaru’s Awakening frá Lumenox fyrir hljóð (Best Audio) og Box Island frá Radiant Games sem skemmtilegasti leikurinn fyrir alla (Best Fun for Everyone). Á Nordic Game Awards er verið er að verðlauna framúrskarandi tölvuleiki sem hafa verið framleiddir á Norðurlöndum…
Author: Bjarki Þór Jónsson
Íslenska tölvuleikjafyrirtækið CCP óskar eftir sjálfboðaliðum á EVE Fanfest sem fer fram dagana 21.-23. apríl í Hörpu. Óskað er eftir aðilum til að aðstoða gesti til að prófa nýjustu leiki fyrirtæksins, VR-leikina EVE Gunjack og EVE Valkyrie. Sjálfboðaliðar fá ókeypis mat og drykk auk þess sem þeir fá miða í lokapartíið sem heldur verður í Hörpu á laugardagskvöldið. Steinþór Helgi hjá CCP (og eflaust margir þekkja sem dómara og spurningarhöfund í Gettu Betur) birti eftirfarandi auglýsinguna á Twitter-síðu sinni. https://twitter.com/StationHelgi/status/720575957644492800
Fimmta apríl síðastliðinn var aðalfundur IGI, Icelandic Game Industry, haldinn á Vox í Reykjavík. Þar voru meðal annars nýjar hagtölur kynntar úr leikjaiðnaðinum hér á Íslandi. Þar kom meðal annars fram að uppsöfnuð velta íslenska leikjaiðnaðarins frá árinu 2008 eru 68 milljarðar króna og að meðalvöxtur iðnaðarins sé um 18% á ári. Auk þess fór ný heimasíða IGI í loftið sama dag. Á Vimeo-síðu Samtaka iðnaðarins er að finna fjórar upptökur frá aðalfundinum. 1) Í þessu myndbandi talar Þorsteinn Baldur Friðriksson frá Plain Vanilla um reynslu sína með QuizUp og að ný fyrirtæki eigi að vera óhrædd við að biðja notendur um…
Þessi ungi snillingur náði að klára Super Mario Bros. á tímanum 4:57.260 – sem er nýtt heimsmet! Sjáðu hvernig fór hann fór að þessu í myndbandinu hér fyrir neðan. Vinstra megin á skjánum er svo hægt að fylgjast með hjartsláttartíðni spilarans sem hækkar áberandi mikið þegar styttist í endann.
Svartir Sunnudagar verða með plakatsýningu í Bíó Paradís laugardaginn 16. apríl kl. 17:00. Til sýnis verða öll plakötin sem hafa verið gerð fyrir Svarta Sunnudaga undanfarin fjögur ár. Hægt verður að kaupa plakötin og kostar stykkið sléttar 10.000 kr. Þeir sem ekki þekkja til þá sýna Svartir Sunnudagar sérvaldar költmyndir og hafa meðal annars sýnt myndir á borð við The Shining, Ferris Builler’s Day Off, Pee-wee’s Big Adventure, Zardoz, Freaks, Big Trouble in Little Chine svo einhverjar séu nefndar. Költhópinn skipa þeir Sigurjón Kjartansson, Sjón og Hugleikur Dagsson. Smelltu hér til að skoða viðburðinn á Facebook. Hér má sjá brot af…
Hefur þú velt því fyrir þér hvernig höfuðstöðvar CCP líta út? Í þessu myndbandi sýnir Sveinn Kjarval frá CCP vinnustaðinn sinn sem er staðsettur á Fiskislóð í Reykjavík. CCP er flugmóðurskip íslenska leikjaiðnaðarins og starfa í kringum 200 manns hjá þeim á Íslandi í dag. CCP er auk þess með skrifstofur í Bandaríkjunum, Bretlandi og Kína. Við minnum lesendur á að EVE Fanfest er í næstu viku!
Super Mario Maker er eins konar hönnunarleikur þar sem spilarinn eyðir oftar en ekki mun meiri tíma í að búa til borð fyrir klassísku Mario leikina frá Nintendo heldur en að spila sjálf borðin. Leikurinn er ekki nýr heldur kom út fyrir u.þ.b. hálfu ári á Wii U leikjatölvuna og ætlum við meðal annars að fara yfir endingargildi leiksins hér í þessari leikjarýni. Í Super Mario Maker fær spilarinn að búa til ný borð fyrir Super Mario Bros. leikina frá grunni. Það þarf varla að kynna Mario leikina en þetta er ein vinsælasta tölvuleikjasería tölvuleikjasögunnar með píparann Mario í fararbroddi.…
Árið 2014 sögðum við ykkur frá Viktori Sigurgeirssyni, íslenskum leikfangagerðarmanni sem var að búa til handgerð leikföng sem byggja á 90’s ofurhetjuíkonum á borð við He-Man og Lion-O. Viktor er kominn með myndarlegt safn af leikföngum svo við settum saman lista yfir nokkur af uppáhalds leikföngunum okkar frá Viktori. Sem gamall ThunderCats aðdáandi er Lion-O Richie í alveg sérstöku uppáhaldi, ásamt Boba Montana. Fleiri fígúrur og nánari upplýsingar er hægt að finna á Facebook-síðunni Viktor’s Vintage. LION-O RICHIE BARTOCOL DROID YULE CAT & MEAT HOOK BOBA MONTANA NINTENDOR V. 2 ZOMBIE TROOPER LOVE-A-LOT-MAN AT-S-TOR
Í þessu nýja sýnishorni úr No Man’s Sky fara þeir Ryan McCaffrey frá IGN og Sean Murray, skapari leiksins, yfir möguleikana í No Man’s Sky. Sean sýnir dæmi um hvernig er hægt að spila leikinn en það hefur vafist fyrir mörgum hvað spilarinn gerir nákvæmlega í leiknum. No Man’s Sky er svokallaður sandkassaleikur þar sem spilarinn velur sínar eigin leiðir og getur meðal annars rannsakað plánetur, dýralíf, stundað viðskipti og safnað ýmiskonar efnum og margt margt fleira.
Í þessu stutta myndbandi sjáum við muninn á grafíkinni í Dark Souls 3 á PC og PS4. Útlitlslega séð virðist grafíkin vera mjög svipuð en þegar nokkur valin atriði eru skoðuð betur hefur PC vinninginn.