Þeir Game Tíví bræður, Ólafur Þór og Sverrir Bergmann, hafa fært sig yfir á Stöð 2 og mun fyrsti þátturinn í elleftu seríu af þessum vinsæla tölvuleikjaþætti hefjast í september, samkvæmt upplýsingum á Facebook síðu þáttanna.
Þættirnir voru áður sýndir á Skjá Einum en þar fjölluðu þeir Ólafur og Sverrir um nýjustu leikina að hverju sinni, væntanlega leiki ásamt því að slá á létta strengi af og til með áskorunum, keppnum og getraunum.
Ekki er vitað hvort þættirnir verði í opinni dagskrá á Stöð 2 líkt og áður, en það verður þó hægt að nálgast upptökur af þáttunum á Visir.is.
Mynd: Game Tíví á Facebook.