Rockstar Games og útgefandinn 2K Games hafa staðfest að forpantanir fyrir Grand Theft Auto VI munu hefjast í næstu viku, nánar þann 25. Júní næstkomandi. Hægt er að setja leikinn á óskalistann nú þegar á PlayStation og Xbox búðunum til að undirbúa sig.
Leikurinn á að koma út 19. Nóvember fyrir PlayStation 5 og Xbox Series X|S leikjavélarnar. PC útgáfa af leiknum er áætluð á næsta ári eins og var með GTA V.
Það sem kom ekki fram var hvaða útgáfur af leiknum verða í boði og auðvitað hvað leikurinn muni kosta. En við fengum að sjá kápu leiksins, sem má sjá hérna fyrir neðan.
Verð leiksins er eitthvað sem mikið hefur verið spáð í og veðja margir að leikurinn geti verið í dýrari kantinum.
Það er orðið langt síðan að GTA V kom út (í fyrsta skiptið), 17 september 2013 á PlayStation 3 og Xbox 360. Leikurinn hefur síðan fengið útgáfur á PS4/Xbox One og PS5 og Xbox Series X|S vélarnar ásamt PC. Í mars á þessu ári var staðfest að leikurinn hafi selt í tæplega 230 Milljón eintökum á heimsvísu á öllum þeim stöðum þar sem hann er fáanlegur í dag.
Eftirvæntingarnar til GTA VI eru gríðarlegar og hafa tölvuleikir verið duglegir að færa útgáfudaga sína frá nóvember mánuði. Búist er við að þetta verði eins stærsta tölvuleikja útgáfa ársins og leikurinn muni seljast í tug miljóna eintaka á fyrst árinu.
Í öðrum GTA tengdum fréttum þá geta eigendur GTA V á PS4 og Xbox One fengið fría uppfærslu á leikinn yfir á PS5 og Xbox Series X|S í tilefni nýrrar uppfærslu fyrir GTA Online sem á að koma út í næsta mánuði.
Heimild: Rockstar Games