StarCraft áhugamaðurinn Bjarni Ólafsson og Next Level Gaming efna til sannkallaðrar StarCraft hátíðar í Next Level Gaming Egilshöll laugardaginn 7. mars. Allir áhugasamir StarCraft spilarar eru hvattir til að mæta, sama hvort það sé til að taka þátt í mótinu eða til að prófa leikinn eða einfaldlega hitta aðra spilara.
Við spurðum Bjarna við hverju spilarar mættu búast á StarCraft hátíðinni. „Aðgangur ókeypis á hátíðinni og að tölvum Next Level Gaming Egilshöll [beint] til StarCraft áhugafólks. Hægt að spila leiki með vinum eða öðrum gestum. Happy hour tilboð verður á barnum fyrir alla StarCraft aðdáendur og einnig verður hægt að panta mat. Þessi viðburður verður hin mesta veisla fyrir alla sem hafa einhvertímann prófað StarCraft eða sambærilega leiki.“
Fyrir keppnisfólk verður hægt að skrá sig í Íslandsmót í bæði StarCraft 1 og StarCraft 2, þar sem hægt er að vinna til verðlauna. Úrslitaeinvígunum tveimur verður síðan varpað upp í beinni útsendingu á stóra skjávarpann, þar sem lýsendur lýsa leiknum að mynda alvöru rafíþrótta stemningu.
Bjarni Ólafsson
„Fyrir keppnisfólk verður hægt að skrá sig í Íslandsmót í bæði StarCraft 1 og StarCraft 2, þar sem hægt er að vinna til verðlauna. Úrslitaeinvígunum tveimur verður síðan varpað upp í beinni útsendingu á stóra skjávarpann, þar sem lýsendur lýsa leiknum að mynda alvöru rafíþrótta stemningu. Svo það verður eitthvað fyrir alla, sama hvort fólk sé byrjendur eða lengra komin, „Bronze league hero“ eða „Grandmaster“.“ Segir Bjarni sem starfar sem sögukennari og er áhugamaður um rafíþróttir og þá sérstaklega herkænskuleiki (RTS).
„Skulum koma saman og skemmta okkur óháð getustigi og þjálfun. Það eru fáir leikir sem eiga sér jafn ríka sögu og StarCraft serían og því ber að fagna! Sjáumst 7. mars!” bætir Bjarni við að lokum.
Hér fyrir neðan er að finna dagskrána fyrir viðburðinn en til að fá upplýsingar um mögulegar breytingar eða aðrar upplýsingar er hægt að skoða viðuburðinn á Facebook.
Dagskrá
13:00 – StarCraft Brood war 1v1 mót hefst – Keppt verður í tveimur styrkleikaflokkum, Chobos og Gosus sá sem sigrar Gosus verður krýndur Íslandsmeistari. Tölvur einnig opnar fyrir þá sem vilja spila casual.
16:00 – StarCraft Brood war úrslitaleikur fer fram og honum streymt og lýst á stóra skjánum.
18:00 – StarCaft II 1v1 mót hefst. – Tölvur einnig opnar fyrir þá sem vilja bara spila casual. Úrslitaleiknum verður streymt og lýst á stóra skjánum. Eftir 1v1 mótið fer af stað casual 2v2 mót fyrir þá sem hafa áhuga.