Lögreglan á höfuðborgarsvæðinu er byrjuð að spila tölvuleiki við börn á netinu í forvarnarskyni. Markmiðið með þessu verkefni er að ná til ungmenna sem spila tölvuleiki og eru mikið á netinu. Á næstunni mun lögreglan heimsækja skóla landsins og auglýsa sérstaka tölvuleikjarás á vegum lögreglunar, þar verður kveikt á vefmyndavél hjá lögreglunni og hægt að spila og spjalla beint við lögregluþjóna. Þetta er aðferð til að ná til ungmenna á þeirra vettvangi og vonast lögreglan til þess að hægt verði að sporna við netglæpum og gefa ungmennum greiðan aðgang að lögreglunni og forvörnum með þessum hætti.
@logreglan Lögreglan spilar tölvuleiki við ungmenni. Með því náum við að fræða ungmennin á þeirra vettgangi og veitum eftirlit á þessum vettvangi.#fyp #íslenskttiktok #fyrirþig #logreglan ♬ original sound – Lögreglan á höfuðborgarsvæðinu
Lögreglan í Danmörku hefur í sama tilgangi verið með sérstaka netvakt allt frá árinu 2022 sem kallast Politiets Online Patrulje. Þar spila lögreglumenn leiki á borð við Counter-Strike, Fortnite og Minecraft og streyma á Twitch til að ná til ungmenna. Hægt er að lesa nánar um verkefnið í Europol skýrslu frá árinu 2025 sem ber heitið „Policing in an Online World. Relevance in the 21st century.“
Börn og ungmenni nota netið í síauknum mæli, meðal annars til þess að nota samfélagsmiðla og spila tölvuleiki. Í skýrslunni „Börn og netmiðlar“ sem unnin var af Fjölmiðlanefnd í samstarfi við Menntavísindastofnun Háskóla Íslands kemur meðal annars í ljós að lang flest börn og ungmenna eiga farsíma og mjög stór hluti þeirra spilar tölvuleiki. Einn af vinsælir leikjum hér á landi og víðar er skotleikurinn Fortnite sem lögregluþjónninn sést spila í TikTok-myndbandinu hér fyrir ofan.
Samsett mynd: Lögreglan á höfuðborgarsvæðinu á TikTok og Peter Griffin á Fortnite Wiki.