E3 2017: Sýnishorn úr Days Gone, Detroit, Spiderman og God of War 4

Sony var með sérstaka kynningu í ár. Hún fókuseraði nær eingöngu á leikjastiklur enda lítur árið 2018 fyrir að verða stórt ár hjá þeim með Days Gone, Detroit, Spiderman og God of War. Það kom hins vegar ekkert nýtt fyrir Last of US 2 eða PS4 sjálfa og hreinlega ekkert sem kom verulega á óvart. Stiklurnar voru samt margar góðar og gefa okkur betri hugmynd um hvað áðurnefndir stórleikir snúast um.

Tengt efni: Fleiri fréttir frá E3 2017

Days Gone: Líkindin með Last of Us koma betur í ljós í þessari stiklu, leikjaspilunin virkar áhugaverð en það er greinilegt að sagan á eftir að skipta miklu máli.

Detroit: Become Human: Það skemmtilega við þessa nýja stiklu er að sagan virðist vera margslungnari en maður hélt. Nú er kynnt til sögunnar önnur persóna og það er greinilega uppreisn í gangi hjá vélmennunum. Aftur er sama áherslan á að geta leyst úr ákveðnum atburðum á mismunandi vegu.

Spiderman: Spiderman kemur eingöngu út á PS4 og bardagakerfið minnir mjög svo á Arkham leikina en maður hefur það á tilfinningunni að það eigi eftir að passa mjög vel við. Leikurinn lítur vel út og stiklan lofar miklum hasar:

God of War 4: Ný stikla sýnir Kratos og strákinn hans á ferðalagi og við fáum aðeins meira að vita um hvað leikurinn snýst. Lausnin núna virðist ekki vera sú að drepa alla (bara næstum því alla).