Leikir, VR og tónlist í lokapartýi Slush PLAY – Ókeypis inn

Föstudaginn 30. september verður lokapartý Slush PLAY, ráðstefnu með áherslu á leiki og sýndarveruleika, haldið í Hvalasafninu við Grandagarð kl. 20:00 – 01:30. Íslensk fyrirtæki á sviði leikja- og sýndarveruleika munu bjóða gestum að prófa upplifanir sínar og tækni milli kl. 20:00 – 22:30. Má þar nefna CCP, Sólfar, Aldin Dynamics og Solid Clouds. Tónlistarfólkið Young Nazareth DJ Set, Hildur, SXSXSX og Sturla Atlas munu auk þess stíga á svið og spila.

Ókeypis er inn á viðburðinn og er 20 ára aldurstakmark.