Bjarki Þór Jónsson skrifar:
Á seinasta ári var Slush Play ráðstefnan haldin í fyrsta skipti. Ráðstefnan var haldin í Gamla bíó í lok apríl á seinasta ári en þar var sérstök áhersla lögð á sýndarveruleika og framtíð hans. Á Nýsköpunarhádegi sem haldið var á vegum Icelandic Startups 16. febrúar síðastliðinn með yfirskriftinni Ísland sem vettvangur fyrir VR fyrirtæki staðfesti Magnus Thor Torfason, lektor í nýsköpun og viðskiptaþróun við Viðskiptafræðideild HÍ, að Slush Play yrði haldið aftur þetta árið á Íslandi dagana 29. og 30. september.
Stemningin í fyrra var mjög góð og mörg áhugaverð fyrirtæki, þar á meðal CCP og Solid Clouds, sem kynntu sín verkefni. Nánari umfjöllun Nörd Norðursins um Slush Play 2015 má nálgast hér.
Mynd: Slush Play 2015