Næstkomandi helgi, 8.-9. desember, mun Nexus vera með kynningu á heitustu og vinsælustu spilunum í Bíó Paradís. Gestir geta meðal annars fengið að skoða og prófa vinsælustu borðspilin, setja saman og mála tindáta, keppt í Game of Thrones borðspilinu, prófað nýja Hobbit tindátaleikinn og margt margt fleira. Auk þess ætla Nexus að gefa Magic spilastokka á meðan birgðir endast, sem er eitt vinsælasta kortaspilið í dag.
Ókeypis aðgangur og allir velkomnir, ungir sem aldnir.
Á Facebook síðu viðburðarins er hægt að nálgast nákvæmari dagskrá og staðfesta komu sína. Dagskrána má einnig sjá á Nexus.is.
Forsíðumynd: Hluti af plakatinu fyrir viðburðinn (Facebook).
– BÞJ