Ný stikla fyrir Grand Theft Auto VI

Fyrir nokkrum dögum færðum við ykkur fréttir af því að Grand Theft Auto VI hefði fengið útgáfudag og það yrði ekki á þessu ári eins og allir héldu, í stað þess kæmi leikurinn út þann 26. Maí 2026.

Mögulega til að sefa sárustu sorg Internetsins þá gáfu Rockstar Games út sjóðheitan trailer fyrir GTA 6 fullan af nýju efni að skoða og meira af sögu leiksins og aðalpersónum hans.

Í texta undir myndbandi leiksins þá stendur;

„Jason og Lucia hafa alltaf vitað að spilin eru þeim ekki í hag. En þegar auðvelt rán fer úrskeiðis lenda þau á myrkustu hlið sólríkasta staðar Bandaríkjanna, í miðju samsæri sem nær yfir allt ríkið Leonida — og neyðast til að treysta hvort öðru meira en nokkru sinni fyrr ef þau ætla að komast lífs af.“

Ekki er mikið vitað um leikinn eða sögu hans annað en hann mun gerast í ríkinu Leonida sem er útgáfa af Flórída ríki í Bandaríkjunum. Borgin Vice City sem er mörgum leikjaspilurum kunnug úr Grand Theft Auto III: Vice City er aðal sögusvið leiksins.

Vonandi þegar líður á þetta ár og það næsta þá munu Rockstar Games gefa okkur meiri upplýsingar um leikinn og hvað verður í boði. Heimasíða leiksins hefur verið uppfærð með nýjum upplýsingum og myndefni sem er hægt að renna í gegnum.

Á meðan mun Internetið klárlega kanna alla hluta myndbandsins eftir vísbendingum um hvað verður í leiknum.

Deila efni

Tögg: grand theft auto, gta, GTA 6, GTA VI