Isle of Games – Dagur leikja og lista í IÐNÓ 19. maí
Isle of Games er leikjahátíð sem haldin verður í IÐNÓ laugardaginn 19. maí næstkomandi. Á bak við hátíðinu stendur fjölbreyttur hópur af fag- og áhugafólki um listir, tölvuleiki og menningarlegt gildi þeirra. Á hátíðinni þar sem horft verður til „menningarlegu gildi tölvuleikja og nánu sambandi þeirra við hinn sjónræna listaheim“ líkt og fram kemur á Facebook-síðu viðburðarins.
Á sýningunni verða sýndir tölvuleikir eftir íslenska og alþjóðlega listamenn og um kvöldið verður boðið upp á lifandi tónlist sem spiluð verður yfir lifandi tölvuleikjum. Þar mun ÍRiiS meðal annars spila tónlist yfir ABZU, sem er gullfallegur og litríkur kafaraleikur.
Hátíðin opnar kl. 13:00 og stendur yfir til kl 01:00 og hefjast tónleikarnir kl. 20:00. Hægt er að sjá lista yfir leiki og listamenn á plakati hátíðarinnar sem er að finna hér fyrir neðan.
Ókeypis er inn á hátíðina og er fólk á öllum aldri hvatt til að koma og spila.
Hægt er að hlusta á skemmtilegt viðtal við tölvuleikjahönnuðinn Sigurstein J. Gunnarsson, einn af skipuleggjendum hátíðarinnar, í útvarpsþættinum Lestin sem hægt er að nálgast hér í Sarpinum (viðtalið hefst 08:45).
Þú hefur kannski áhuga á þessu...
Ape Out tölvuleikjatónleikar í Mengi í kvöld →
Tölvuleikir og listir á Isle of Games leikjahátíðinni →
Gris er gullfallegur og afslappandi þrautaleikur →
