Ape Out tölvuleikjatónleikar í Mengi í kvöld
… tölvuleikurinn Ape Out (2019) verður spilaður með undirspili frá djasstónlistarmönnunum Tuma Árnasyni og Höskuldi Eiríkssyni.
Í tónlistarhúsinu Mengi (Óðinsgötu 2 í Reykjavík) verða haldnir tónleikar í kvöld þar sem tölvuleikurinn Ape Out (2019) verður spilaður með undirspili frá djasstónlistarmönnunum Tuma Árnasyni (saxófón) og Höskuldi Eiríkssyni (slagverk). Sigursteinn J. Gunnarsson mun sjá um að spila tölvuleikinn fyrir framan áhorfendur en í leiknum er fylgst með flóttasögu górillu í hefndarhug. Tónlistarmenn munu deila sviðinu með tölvuleiknum og endurskapa tónlist og hljóð leiksins.
Það er listamannahópurinn Isle of Games sem stendur fyrir sýningunni og hefur hópurinn það að markmiði að finna nýja áhorfendur og ný umhverfi fyrir tölvuleiki og stórfjölskyldu miðilsins. Hægt er að sjá brot frá eldri Ape Out tónleikum sem haldnir voru í Iðnó fyrr á þessu ári hér fyrir neðan.
Húsið opnar kl. 20:30 í kvöld og leikurinn hefst kl. 21:00.
Miðaverð er 2.000 kr.
Mynd: Isle of Games, Ape Out
Þú hefur kannski áhuga á þessu...
Daði Freyr með Psychonauts 2 tónleika →
Tölvuleikir og listir á Isle of Games leikjahátíðinni →
Out of the Loop – Nýr partíleikur frá íslensku leikjafyrirtæki →
