Christian Bale og Tom Hardy á rauða dreglinum [MYNDBAND]
Ritstjóri Nörd Norðursins var á röltinu um miðbæ London í gær og varð var við fjölmenni í grennd við Leicester Square. Við nánari athugun kom í ljós að stórstjörnur úr The Dark Knight Rises voru væntanlegar á Evrópufrumsýningu myndarinnar í Empire Cinemas og Odeon sem eru tvö kvikmyndahús sem eru staðsett við Leicester Square.
Þegar ritstjóri mætti var búið að setja upp stórt líkan af grímu Leðurblökumannsins á torgið og rauði dregillinn var tilbúinn fyrir gesti. Mikil gæsla var á svæðinu enda mikið af æstum aðdáendum.
Á svæðið mættu stærstu nöfnin úr The Dark Knight Rises; Christopher Nolan, Christian Bale, Tom Hardy, Morgan Freeman, Anne Hathaway, Joseph Gordon-Levitt og Marion Cotillard. Gestirnir gengu úr hinni risavöxnu grímu og upp rauða dregilinn sem endaði í kvikmyndahúsunum tveimur. Bíll Leðublökumannsins var einnig á svæðinu og er augljóslegt að mikil vinna var lögð í sýninguna.
Við náðum þessu stutta myndskeiði af Christian Bale og Tom Hardy þegar þeir veittu aðdáendum sínum eiginhandaráritanir á rauða dreglinum.
– BÞJ
Þú hefur kannski áhuga á þessu...
Leikjavarpið #26 – Ratchet & Clank, Steam Deck og Activision Blizzard kæran →
Ring Fit áskorun í febrúar! →
Leikjavarpið #20 – Væntanlegir leikir 2021, Indiana Jones og Star Wars →
