Bækur og blöð

Birt þann 16. apríl, 2012 | Höfundur: Nörd Norðursins

5

Verðkönnun: Eru rafbækur ódýrari kostur?

Í kjölfar þess að Skinna.is opnaði nýja íslenska rafbókabúð ákváðum við hjá Nörd Norðursins að gera verðkönnun á völdum verkum sem eru einnig fáanleg í bóka formi. Bókaverðið miðum við út frá skráðu verði þann 15. apríl 2012 á heimasíðu Eymundssonar annars vegar og Skinnu.is hins vegar.

 

TITILL EYMUNDSSON SKINNA
Gamlinginn sem skreið út… 2.699 (kilja) / 3.999 (innbundin) 2.790
Svartur á leik 2.699 (kilja) 2.690
Hungurleikarnir 1.999 (innbundin) / 2.299 (kilja) 2.200
Einvígið 2.499 (innbundin) / 2.699 (kilja) 3.790
Brakið 2.699 (innbundin/kilja) 3.790
Falskur fugl 999 (kilja*) 1.890
Hausaveiðararnir 2.699 (kilja) / 2.999 (innbundin) 2.490
Myrkfælni – Smásögur 2.499 (kilja) 1.490
Sjöundi himinn 2.690 (kilja) 3.590

*Hjá útgefanda; JPV Útgáfa

Það er augljóslega ekki hægt að treysta á að rafbækur séu ódýrari en prentaðar bækur þar sem þær eru í flestum tilfellum dýrasti kosturinn, þrátt fyrir að framleiðslukostnaður rafbóka sé mun ódýrari. Í flestum verðdæmunum er ódýrast að kaupa verkin í kilju þar sem verðmunurinn getur numið frá nokkrum krónum og upp í tæpar 1.100 kr.

Það er augljóslega ekki hægt að treysta á að rafbækur séu ódýrari en prentaðar bækur þar sem þær eru í flestum tilfellum dýrasti kosturinn, þrátt fyrir að framleiðslukostnaður rafbóka sé mun ódýrari.

Á þessum lista eru eingöngu íslensk eða íslenskuð verk skoðuð, en hægt er að nálgast flest erlend verk í vefverslunum á borð við Amazon. Á bresku Amazon síðunni kostar til að mynda Hungurleikarnir (The Hunger Games) £3.46, eða 702 krónur ef gengið er út frá núverandi gengi. Hausaveiðararnir (Headhunters) eru einnig töluvert ódýrari, en þar kostar hún £3.19, eða 647 kr. og hljóðar verðmunurinn milli íslenskuðu og ensku rafbókanna upp á 340%.

En hvað með íslensk verk sem eru eingögnu gefin út á rafrænu formi? Það er erfitt að setja verðmiða á slík verk, en það verður að teljast sanngjarnt að neytandinn fái að njóta hagstæðara verðs líkt og höfundar og útgefendur. Rúnatýr fer ansi áhugaverða leið með því að bjóða upp á verkið Kall Cthulhu og fleiri hrollvekjandi sögur, þar sem er að finna fimm sögur eftir H. P. Lovecraft í íslenskri þýðingu, á rafrænu formi fyrst en safnið kemur út á prenti vorið 2012. Til gamans má geta að þá kostar íslenska þýðingin 1.990 kr. á Skinna.is en hægt er að kaupa öll verkin eftir H. P. Lovecraft á ensku á £0.77, eða 156 kr, á bresku Amazon versluninni.

 

Hvað finnst þér vera sanngjarnt verð fyrir íslenskar rafbækur?

 

Forsíðumynd: Wikimedia Commons (Bækur og Kindle)
BÞJ

Deila efni

Tögg: , , , , , ,


Upplýsingar um höfund:

Birt af ritstjórn



5 Responses to Verðkönnun: Eru rafbækur ódýrari kostur?

  1. dengsinn says:

    Var ekki athugað verðið eftir útgáfum? Hvort að það sé einkennandi fyrir ákveðin útgáfufélög að rafbækur séu dýrari eða ódýrari kosturinn?

    • Gummi says:

      Áhugaverð könnun, en það hefði nú verið nær að athuga verðið á Amazon.com þar sem íslendingar geta ekki keypt rafbækur á Amazon í Bretlandi. Breytir kannski ekki miklu en datt í hug að nefna þetta.

    • Nei, við vorum aðeins að skoða verðmun milli rafbóka hjá Skinnu.is og prentaðra bóka hjá Eymundsson í þessari verðkönnun.

      • Gummi says:

        Jah, þið eruð ekki með Amazon í töflunni hjá ykkur en samanburður á verði tveggja bóka úr könnunninni við verð á Amazon.co.uk er nú samt alveg einn fjórði af greininni, svo þetta finnst mér vera dálitlir útúrsnúningar.

        Ég vildi bara að nefna það að koma með verðdæmi af Amazon í Bretlandi er frekar gagnslaust þar sem Íslendingar hafa ekki aðgang að rafbókum á þeirri vefsíðu. Þá geturðu alveg eins farið að bera saman verðið á prentuðum eintökum af Hunger Games í Indlandi og séð hvað það er miklu ódýrara en prentaðar bækur hér, það er álíka gagnlegt. Íslendingar geta hinsvegar keypt rafbækur frá Amazon.com.

Skildu eftir svar

Efst upp ↑