Aðeins degi eftir SOPA mótmælin hafa bandarísk stjórnvöld lokað Megaupload, sem er ein af stærri skjaladreifingarsíðum sem finnast á netinu í dag. Stofnendur síðunnar hafa verið ákærðir fyrir brot á höfundarrétti og er því haldið fram að þeir hafi kostað rétthafa yfir 500 milljónir bandaríkjadala, sem samsvarar yfir 62 milljörðum íslenskra króna, í tapi. Samkvæmt bandaríska dómsmálaráðuneytinu var leitað á yfir 20 stöðum í níu löndum að verðmætum og ólöglegu efni. Í yfirlýsingu sem ráðuneytið sendi frá sér kemur fram að um er að ræða eitt stærsta brot á höfundarréttarlögum í Bandaríkjunum:
This action is among the largest criminal copyright cases ever brought by the United States and directly targets the misuse of a public content storage and distribution site to commit and facilitate intellectual property crime,
Í kjölfar lokunarinnar hefur hakkarahópurinn Anonymous ráðist á heimasíður FBI og bandaríska dómsmálaráðuneytið og auk þess hefur verið ráðist á heimasíðu The Motion Picture Association of America.
Heimild: BBC
– BÞJ