PlayStation 5 er komin til Íslands! Forseld eintök afhend kaupendum í dag

Í dag er útgáfudagur PlayStation 5 leikjatölvunnar á Íslandi og víðar. Íslenskar verslanir munu í dag afhenda viðskiptavinum sínum eintök sem keypt voru í forsölu í september. Ekki verður hægt að kaupa tölvuna á staðnum í almennri sölu heldur er eingöngu verið að afhenda forseld eintök. Næsta sending af PS5 er væntanleg til landsins einhverntímann á næsta ári, nákvæm dagsetning hefur ekki verið staðfest.

Við minnum á að sýna þolinmæði á þessum stóra degi. Virða tveggja metra regluna sem er enn í gildi og nota grímu. Verslanir hafa sent viðskiptavinum sínum póst með leiðbeiningum sem gott er að lesa yfir áður en lagt er af stað til að sækja nýju tölvuna.